Isikeli 48 - AI VOLA TABU

A nodrai votavota na veimataqali e so, 1-7. Ai votavota tabu, 8-14. Ai votavota ni koro kei nai bili, 15-20. Ai votavota ni tui, 21, 22. A nodrai votavota na vo ni veimataqali e tinikarua, 23-29. Ai yalayala ni koro, kei na kena matamata-ni-koro, kei na yacana, 30-35.

¹ A SA vakaoqo na yacadra na veimataqali. Mai nai yalayala vakatokalau ka muria na baravi e na sala ki Eciloni, ni sa lakovi ko Emaci, kei na koro ko Enani, kei nai yalayala i Tamasiko vakaki na tokalau, ka yala ki tai kadua mai Emaci; ia ena nonai yalayala o qori ki cake ki ra talega, na nei Tani.

² Ka veitaravi kei nai yalayala nei Tani, mai na yasana mai cake ka yala ki na yasana ki ra, na nei Aseri.

³ Ka veitaravi kei nai yalayala nei Aseri, mai na yasana mai cake ka yala ki na yasana ki ra, na nei Nafitali.

⁴ Ka veitaravi kei nai yalayala nei Nafitali, mai na yasana mai cake ka yala ki na yasana ki ra, na nei Manase.

⁵ Ka veitaravi kei nai yalayala nei Manase, mai na yasana mai cake ka yala ki na yasana ki ra, na nei Ifireimi.

⁶ Ka veitaravi kei nai yalayala nei Ifireimi, mai na yasana mai cake ka yala ki na yasana ki ra, na nei Rupeni.

⁷ Ka veitaravi kei nai yalayala nei Rupeni, mai na yasana mai cake ka yala ki na yasana ki ra, na nei Juta.

⁸ Ia ka veitaravi kei nai yalayala i Juta, mai na yasana mai cake ka yala ki na yasana ki ra, sai sevu ni vanua mo dou na cabora, e rua na oba ka lima na udolu na kena raraba, kei na kena balavu me tauvata kei na dua nai votavota, mai na yasana mai cake ka yala ki na yasana ki ra: ia na tikina tabu ena tu sara ga kiloma.

⁹ Nai sevu dou na cabora vei Jiova, me rua na oba ka lima na udolu na kena balavu, kei na kena raraba e dua na oba.

¹⁰ Ia nai sevu tabu ko ya ena nodra na bete; a kena balavu ki na tokalau e rua na oba ka lima na udolu, kei na kena raraba ki ra e dua na oba, kei na kena raraba ki cake e dua na oba, kei na kena balavu ki na ceva e rua na oba ka lima na udolu; ia na tikina tabu i Jiova mo tu sara ga kiloma.

¹¹ Ena nodra na bete na tikina tabu o qori, ko ira na luve i Satoki, sa ra taura tikoga na noqu cakacaka, ka tawa lako sese tani ni ra lako sese tani na luve i Isireli, me vaka ni ra lako sese tani na luve i Levi.

¹² Ia nai sevuo qo ni sevu ni vanua me sa nodra tikina tabu sara, ka yaco ki na nodrai yalayala na luve i Levi.

¹³ Ia ena nodra na luve i Levi me donuya na nodrai yalayala na bete, e rua na oba ka lima na udolu na kena balavu, kei na kena raraba e dua na oba: a kena balavu taucoko ena rua na oba ka lima na udolu, kei na kena raraba e dua na oba.

¹⁴ Ia me ra kakua ni volitaka, se vakaisosomitaka, se vakayalia nai sevu ni vanua: ni sa tabu mo nei Jiova.

¹⁵ Ia na lima na udolu, sa vo e na rabana sa donuya na rua na oba ka lima na udolu, sa na yasana tawa tabu o qori, na kei na koro, me tikori, me kenai bili talega: ia na koro me tu sara ga kiloma.

¹⁶ A me vakaoqo na kenai vakarau; na tikina mai na tokalau me va na udolu ka lima na drau, kei na tikina mai na ceva, me va na udolu ka lima na drau, kei na tikina mai cake, me va na udolu ka lima na drau, kei na tikina mai ra, me va na udolu ka lima na drau.

¹⁷ Ia nai bili ni koro me rua na drau ka limasagavulu ki na tokalau, ka rua na drau ka limasagavulu ki na ceva, ka rua na drau ka limasagavulu ki cake, ka rua na udolu ka limasagavulu ki ra.

¹⁸ Ia na vo ni kena balavu sa donuya nai sevu tabu me dua na oba kivakaki cake, ka dua na oba kivakaki ra: a me donuya nai sevu tabu; ia na kena vuata me sa kedra kakana era qarava na koro.

¹⁹ Ia na veiqaravi ni koro, me ra vakaitavi kece kina na veimataqali nei Isireli.

²⁰ Ai sevu taucoko ena rua na oba ka lima na udolu, ka rua na oba ka lima na udolu: me takiveilevu na veiyasana ni sevu dou na cabora, kei nai votavota ni koro.

²¹ Ia na kena vo ena nona na turaga, ki vaka ka vaka ni sevu tabu, kei nai votavota ni koro, me donuya na oba e rua ka lima na udolu ni sevu e na kenai yalayala ki cake me donuya talega ki ra na oba e rua ka lima na udolu ki nai yalayala ki ra, sa donuya nai votavota ni tui: ia enai sevu tabu ko ya; ia na yasana tabu ni vale sa na tu sara ga kiloma.

²² Ia na tikina ki daku ni nodrai votavota na luve i Levi, kei nai votavota ni koro, sa tu mai ki loma ni nona na tui, e na maliwa ni yalayala nei Juta kei nai yalayala nei Penijamini, ena nona na tui.

²³ Ia na kedra vo ni veimataqali; mai na yasana mai cake ka yala ki na yasana ki ra, me nei Penijamini.

²⁴ Ka veitaravi kei nai yalayala i Penijamini, mai na yasana mai cake ka yala ki na yasana ki ra, me nei Simioni.

²⁵ Ka veitaravi kei nai yalayala i Simioni, mai na yasana mai cake ka yala ki na yasana ki ra, me nei Isakari.

²⁶ Ka veitaravi kei nai yalayala i Isakari, mai na yasana mai cake ka yala ki na yasana ki ra, me nei Sepuloni.

²⁷ Ka veitaravi kei nai yalayala i Sepuloni, mai na yasana mai cake ka yala ki na yasana ki ra, me nei Kati.

²⁸ Ka veitaravi kei nai yalayala i Kati, mai na yasana vakaceva mai na ceva, me sa kenai yalayala mai Tamari kei na wai ni veileti mai Katesa, kei na uciwai ka yala sara ki na waitui levu.

²⁹ O qo na vanua mo dou veidigiyaka me dui nodrai votavota na veimataqali nei Isireli me ra taukena, a sa vakaoqo na nodrai votavota, sa kaya na Turaga ko Jiova.

³⁰ A sa vakaoqo nai yalayala ni koro e na yasana ki na tokalau, o va na udolu ka lima na drau nai vakarau.

³¹ Ia na matamata-ni-koro ena vakatokai e na yacadra na mataqali nei Isireli: e tolu na matamata-ni-koro me donuya na tokalau; e dua na matamata-ni-koro i Rupeni, e dua na matamata-ni-koro i Juta, e dua na matamata-ni-koro i Levi.

³² Ia mai na yasana ki cake e va na udolu ka lima na drau: ka tolu na matamata-ni-koro; e dua na matamata-ni-koro i Josefa, e dua na matamata-ni-koro i Penijamini, e dua na matamata-ni-koro i Tani.

³³ E na yasana talega ki na ceva e va na udolu ka lima na drau nai vakarau: ka tolu na matamata-ni-koro; e dua na matamata-ni-koro i Simioni, e dua na matamata-ni-koro i Isakari, e dua na matamata-ni-koro i Sepuloni.

³⁴ E na yasana ki ra e va na udolu ka i lima na drau, kei na nodra matamata-ni-koro koya …olu; e dua na matamata-ni-koro i Kati, e dua na matamata-ni-koro i Aseri, e dua na matamata-ni-koro i Nafitali.

³⁵ Ni sa vakavoutaki na koro sa oba ka mani walu na udolu na kenai vakarau: ia na yaca ni koro mai na siga ko ya, Ko Jiova-sama [sa tiko maikina ko Jiova].