Limle 33 - Dewtere Laamɗo Fulfulde Burkina Faso

Jahaangal Israa'iila'en gilla Misira faa maayo Urdun

¹ Inan no Israa'iila'en mburtorii Misira fedde fedde e juuɗe Muusaa e Haaruuna.

² Muusaa winndi nokkuuje ɗo ɓe koɗi fuu dow yamiroore Joomiraaɗo. Inan nokkuuje ɗeen:

³ Ɓe eggi Ramses nyannde 15 lewru go'aɓurdu, jaangoore iidi Faltagol. Ɓe eggi e gite Misirankooɓe wo ɓe hewtuɓe ko'e maɓɓe.

⁴ Tawi wakkati oon, Misirankooɓe na uwa awruuɓe muɓɓen ɓe Joomiraaɗo fiyi faa saroo allaaji muɓɓen.

⁵ Israa'iila'en eggi Ramses, ɓe koɗowi Sukkot.

⁶ Ɓe eggi Sukkot, ɓe koɗowi Etam, naarude ladde yoornde.

⁷ Ɓe eggi Etam, ɓe njeccii faa Pi-Hayirot, yeeso Ba'al-Sefon de ɓe koɗi ɗakkol Migdol.

⁸ Ɓe eggi Pi-Hayirot, ɓe peƴƴi maayo, ɓe njehi yaadu balɗe tati ley ladde Etam yoornde de ɓe koɗi Maara.

⁹ Ɓe eggi Maara, ɓe njehi Elim. Ɗoon ɓe tawi ɓulli ndiyam 12 e leɗɗe tamarooje 70, ɓe koɗi nokkuure ndeen.

¹⁰ Ɓe eggi Elim, ɓe koɗowi ɗakkol maayo Maaliya.

¹¹ Ɓe eggi maayo Maaliya, ɓe koɗowi ley ladde Sin.

¹² Ɓe eggi ladde Sin, ɓe koɗowi Dofka.

¹³ Ɓe eggi Dofka, ɓe koɗowi Alus.

¹⁴ Ɓe eggi Alus, ɓe koɗowi Refidim. Ɗoon woni ɗo Israa'iila'en kunngii heɓude ndiyam njareteeɗam.

¹⁵ Ɓe eggi Refidim, ɓe koɗowi ladde Sinayi.

¹⁶ Ɓe eggi ladde Sinayi, ɓe koɗowi Kibirot-Hataawa.

¹⁷ Ɓe eggi Kibirot-Hataawa, ɓe koɗowi Hajerot.

¹⁸ Ɓe eggi Hajerot, ɓe koɗowi Ritima.

¹⁹ Ɓe eggi Ritima, ɓe koɗowi Rimmon-Peres.

²⁰ Ɓe eggi Rimmon-Peres, ɓe koɗowi Libina.

²¹ Ɓe eggi Libina, ɓe koɗowi Rissa.

²² Ɓe eggi Rissa, ɓe koɗowi Kehelata.

²³ Ɓe eggi Kehelata, ɓe koɗowi waamnde Sefer.

²⁴ Ɓe eggi waamnde Sefer, ɓe koɗowi Harada.

²⁵ Ɓe eggi Harada, ɓe koɗowi Makelot.

²⁶ Ɓe eggi Makelot, ɓe koɗowi Tahat.

²⁷ Ɓe eggi Tahat, ɓe koɗowi Terak.

²⁸ Ɓe eggi Terak, ɓe koɗowi Mitka.

²⁹ Ɓe eggi Mitka, ɓe koɗowi Hasmona.

³⁰ Ɓe eggi Hasmona, ɓe koɗowi Moserot.

³¹ Ɓe eggi Moserot, ɓe koɗowi wuro Ɓiɓɓe-Yaakan.

³² Ɓe eggi wuro Ɓiɓɓe-Yaakan, ɓe koɗowi Hor-Gidgada.

³³ Ɓe eggi Hor-Gidgada, ɓe koɗowi Yotbata.

³⁴ Ɓe eggi Yotbata, ɓe koɗowi Abrona.

³⁵ Ɓe eggi Abrona, ɓe koɗowi Esiyon-Geber.

³⁶ Ɓe eggi Esiyon-Geber, ɓe koɗowi Kaades ley ladde Sin.

³⁷ Ɓe eggi Kaades, ɓe koɗowi waamnde Hor keerol leydi Edom.

³⁸ E dow yamiroore Joomiraaɗo, almaami Haaruuna ƴeenyi waamnde Hor de maayi toon, tawi wakkati oon ɓe mburtorake Misira duuɓi 40 nyannde go'o lewru joyaɓurdu.

³⁹ Duuɓi Haaruuna fuu wo 123 de maayi dow waamnde Hor.

⁴⁰ Ndeen Arad, laamiiɗo Kanaaninkooɓe jooɗinooɗo horɗoore leydi Kanaana nani yottagol Israa'iila'en.

⁴¹ Ɓe eggi waamnde Hor, ɓe koɗowi Salmona.

⁴² Ɓe eggi Salmona, ɓe koɗowi Punon.

⁴³ Ɓe eggi Punon, ɓe koɗowi Obot.

⁴⁴ Ɓe eggi Obot, ɓe koɗowi Iyye-Abarim dow keerol leydi Mo'ab.

⁴⁵ Ɓe eggi Iyye-Abarim, ɓe koɗowi Dibon-Gad.

⁴⁶ Ɓe eggi Dibon-Gad, ɓe koɗowi Almon-Dibilatayma.

⁴⁷ Ɓe eggi Almon-Dibilatayma, ɓe koɗowi baamle Abarim yeeso Nebo.

⁴⁸ Ɓe eggi baamle Abarim, ɓe koɗowi njaayri Mo'ab, daande maayo Urdun, ƴeenyirde Yeriko.

⁴⁹ Ɓe koɗi Urdun gilla Bayti-Yesimot faa yottii Abel-Sittim ley njaayri Mo'ab.

Jamirooje feccugol leydi Kanaana

⁵⁰ Ley njaayri Mo'ab, daande maayo Urdun, ƴeenyirde Yeriko toon Joomiraaɗo haaldi e Muusaa wi'i: —

⁵¹ Kaaldaa e Israa'iila'en mbi'aa ɗum'en: Nde peƴƴitinɗon Urdun de kewtuɗon leydi Kanaana fu,

⁵² ndiiwon ɓe tawuɗon toon fuu. Kalkon tooruuji maɓɓe gaɗiraaɗi kaaƴe e jamnɗe, wooɗi du kalkon nokkuuje cakkirɗe majji fuu.

⁵³ Teeton leydi ndiin njooɗoɗon sabo wo onon kokkumi ndi faa njogoɗon.

⁵⁴ Pecciron leydi ndiin cumnal fodde cuuɗi mooɗon. Cuuɗi ɓurɗi yimɓe fuu kokkee ko ɓuri yaajude e mayri. Ɓurɗi famɗude du kokkee ko ɓuri famɗude. Mono fuu heɓa ngeɗu muuɗum fodde no cumnal ngaal hokkiri ɗum. Ndongu nguun hokkiree cuuɗi baaba.

⁵⁵ Ammaa si on ndiiwaay yimɓe ɓeen yeeso mooɗon fu, ɓe njoppoton ɓeen, laatanto on kaɗɗe ley gite maa gi'e ley buttuli. Ɓe torran on ley leydi ndi njooɗoytoɗon ndiin.

⁵⁶ Wooɗi du, ko podinoomi waɗude ɓe fuu saaman dow mooɗon.