Fuɗɗoode 5 - Dewtere Laamɗo Fulfulde Burkina Faso

Ƴuwdi Aadama faa hewti Nuuhu

¹ Inan binndi kollooji ƴuuruɓe e Aadama: Nyannde Laamɗo tagunoo yimɓe ndeen, o tagi ɓe hono alhaali makko noon.

² O tagi gorko e debbo, o barkini ɓe de o inndiri ɓe «Tagaaɓe».

³ Nde Aadama wuurnoo duuɓi 130 ndeen, heɓi ɓiɗɗo gorko e alhaali muuɗum, nannduɗo e muuɗum. O inndiri oon Siita.

⁴ Caggal rimeede Siita, Aadama wuuri duuɓi 800. O rimi ɓiɓɓe worɓe e rewɓe.

⁵ Duuɓi Aadama fuu wo 930, de maayi.

⁶ Nde Siita wuurnoo duuɓi 105 ndeen, heɓi ɓiɗɗo gorko bi'eteeɗo Enos.

⁷ Caggal rimeede Enos, Siita wuuri duuɓi 807. O rimi ɓiɓɓe worɓe e rewɓe.

⁸ Duuɓi Siita fuu wo 912, de maayi.

⁹ Nde Enos wuurnoo duuɓi 90 ndeen, heɓi ɓiɗɗo gorko bi'eteeɗo Kenan.

¹⁰ Caggal rimeede Kenan, Enos wuuri duuɓi 815. O rimi ɓiɓɓe worɓe e rewɓe.

¹¹ Duuɓi Enos fuu wo 905, de maayi.

¹² Nde Kenan wuurnoo duuɓi 70 ndeen, heɓi ɓiɗɗo gorko bi'eteeɗo Mahalalel.

¹³ Caggal rimeede Mahalalel, Kenan wuuri duuɓi 840. O rimi ɓiɓɓe worɓe e rewɓe.

¹⁴ Duuɓi Kenan fuu wo 910, de maayi.

¹⁵ Nde Mahalalel wuurnoo duuɓi 65 ndeen, heɓi ɓiɗɗo gorko bi'eteeɗo Yared.

¹⁶ Duuɓi Mahalalel caggal rimeede Yared wo 830, o rimi ɓiɓɓe worɓe e rewɓe.

¹⁷ Duuɓi Mahalalel fuu wo 895, de maayi.

¹⁸ Nde Yared wuurnoo duuɓi 162 ndeen, heɓi ɓiɗɗo gorko bi'eteeɗo Henok.

¹⁹ Caggal rimeede Henok, Yared wuuri duuɓi 800, o rimi worɓe e rewɓe.

²⁰ Duuɓi Yared fuu wo 962, de maayi.

²¹ Nde Henok wuurnoo duuɓi 65 ndeen, heɓi ɓiɗɗo gorko bi'eteeɗo Matusala.

²² Caggal rimeede Matusala, Henok wuuri duuɓi 300, e ley ɗum fuu imo wondi e Laamɗo. O rimi ɓiɓɓe worɓe e rewɓe

²³ Duuɓi Henok fuu wo 365.

²⁴ Henok wuuri ina wondi e Laamɗo. Caggal ɗuum, o yi'aaka, sabo Laamɗo adii mo.

²⁵ Nde Matusala wuurnoo duuɓi 187 ndeen, heɓi ɓiɗɗo gorko bi'eteeɗo Lamek.

²⁶ Caggal rimeede Lamek, Matusala wuuri duuɓi 782, o rimi ɓiɓɓe worɓe e rewɓe.

²⁷ Duuɓi Matusala fuu wo 969, de maayi.

²⁸ Nde Lamek wuurnoo duuɓi 182 ndeen, heɓi ɓiɗɗo gorko.

²⁹ O inndiri oon Nuuhu. O wi'i: — Oon waaltinan hakkillooji meeɗen e ley golleeji men e tampiri juuɗe meeɗen dow leydi ndi Joomiraaɗo huɗi ndiin.

³⁰ Caggal rimeede Nuuhu, Lamek wuurii duuɓi 595. O rimi ɓiɓɓe worɓe e rewɓe.

³¹ Duuɓi Lamek fuu wo 777, de maayi.

³² Duuɓi Nuuhu wo 500, de rimi Saam e Haam e Yaafet.