Yeremiya 45 - Fulfulde DC Bible

Ko Allah tammini Baruku

¹ Nder nduuɓu Yooyakim ɓii Yusiya, laamiiɗo Yahuuda, nayaɓu, nde Baruku ɓii Neriya winndi haa deftere ko Yeremiya anndini mo. Yeremiya wi'i mo:

² “Ndaa nii Jawmiraawo honooɓe asama, Allah Isra'iila wi'i ma: An Baruku,

³ a wi'i: Bone laatani yam! Jawmiraawo ɓesdi mettamɓeram dow naaworlaaji am. Mi somi uumugo, mi heɓaay siwtaare.”

⁴ Jawmiraawo wi'i Yeremiya o yecca Baruku: “Mi yibbinan ko nyiɓmi, mi ɗoofan ko njubiimi nder lesdi fuu.

⁵ A ɗon ɗaɓɓana hoore ma kuuje mawɗe na? Taa ɗaɓɓu koo ɗume! Ndaa, mi ukkanan yimɓe fuu sarru. Ammaa an, mi hisnan yoŋki ma koo toy njahata fuu. Min Jawmiraawo wi'i ɗum.”