Jabuura 120 - Fulfulde DC Bible

Wullaandu dow fewooɓe e waɗooɓe tufle

¹ Yimre jahaaŋgal haa Urusaliima. Nder ɓillaare am toriimi Jawmiraawo, kaŋko o jaabi yam.

² Yaa Jawmiraawo, hisnu yoŋki am e fewooɓe, waɗɓe tufle dow am.

³ Onon fewooɓe, kiita kayeeha haandani on?

⁴ Ɗum kuri honooɓe ceeɓɗi, bee ƴulɓe yiite ɓuranɗe wulugo!

⁵ Kayto! Mi jurumɗo ngam mi hoɗi haa lesdi Meesek, mi jooɗi nder cuuɗi laymaaji Keedar!

⁶ Duuri mi ɗon jooɗodo bee wanyɓe sulhu!

⁷ Min kam mi goɗɗo sulhu, ammaa to mi ɗon wolwa, kamɓe ɓe ngiɗi honugo yam!