Jabuura 1 - Fulfulde DC Bible

Yeɓre arannde ( Jabuura 1—41 ) Gooŋgaajo e kalluɗo

¹ Barka laatanto goɗɗo mo jaɓataa sawari halluɓe, mo tokkataako laawol hakke'en, mo jooɗodottaako bee jancooɓe,

² ammaa mo seyorto tawreeta Jawmiraawo, mo numtata ka jemma e naaŋge fuu.

³ O nanndi bee lekki jubaaki baŋnge maayo ilanŋgo, dimanki ɓiɓɓe mum to saa'i man waɗi, haakooji maaki njoorataa. Goɗɗo oo heɓan hayru nder ko o waɗata fuu.

⁴ Ammaa halluɓe mba'aay bana non. Kamɓe ɓe ɗon bana nyaande nde henndu ruuynata.

⁵ Ngam man halluɓe mbaawataa dartaago nyalaade kiita, hakke'en ngalaa pellel nder mooɓtorde adili'en.

⁶ Ngam Jawmiraawo anndi laawol adili'en, ammaa ngol halluɓe yahran haa halkere.