Esaaya 12 - Fulfulde DC Bible

Yimre yettoore

¹ Nyalaade man ummaatoore rimɗinaande wi'an: “Mi maŋgtete, yaa Jawmiraawo! A tikkani yam, ammaa tikkere ma feewti, a de'itini yam.

² Allah woni kisndam am, mi ɗon hoolo mo, mi diwnataa. Jawmiraawo woni semmbe am e yimre am, kaŋko laati kisndam am.”

³ Bee seyo nyeɗoton ndiyam haa ceeɓooje kisndam.

⁴ On mbi'an nyalaade man: “Ngette Jawmiraawo, ewne innde maako, ngecce kuuɗe maako caka ummaatooje! Ciftinore no innde maako ɓaŋgori!

⁵ Ngimane Jawmiraawo! Ngam o huuwi kuuɗe mawɗe, anndine duniyaaru fuu habaru maajum!

⁶ Ceye! Mbaɗe gookaali seyo, onon jooɗiiɓe haa Siyona! Ngam Ceniiɗo Isra'iila o mawɗo caka mooɗon.”