Taagapati 22 - Tosi Tapu

Agatonu mo le agaveli (soko atu)

¹ E malie ake le filifili o le logologona o tupu ko ni gaoi malilie i le maua o ni koloa lalasi, Ti e malie ake le kalasia i le paaga mo le aulo.

² E felavei le tagata mou koloa mo le tagata mativa ; Ko le Eteleno leia na fakatupu ia laua toka lua.

³ E tio le tagata poto ki le veli ti e mumuni a ia ; Kae e fakafeofi ki ai le kau vale ti e lotou tautea ai.

⁴ Ko le fua o le fakataulalo, o le i ki le Eteleno, Ko le mou koloa, mo le kololia, mo le mauli.

⁵ E maua i le ala o le tagata patigataa ni laakau talatala, mo ni masele ; Ko leia e taupau ia lona laumalie e fakamamao i ai.

⁶ Akonaki le toe o mulimuli ki le ala leia e tonu ke mulimuli ai ; Ti ka liliu loa a ia o matua, e leaise toe maliu loa a ia mei ai.

⁷ E pule le tagata mou koloa ki le kau mativa, Ti ko leia e too maua e popula ki leia na too maua ai.

⁸ Ko leia e to ia le veli e utu ia le mamae, Ti e puli loa le laakau o lona itaita.

⁹ E manuia loa le tagata manava alofa, Talie e vaevae e ia lana pane mo le mativa.

¹⁰ Kapu le tagata gologolo, ti e oki loa le fefele, Ti e gato loa a visi mo lauveli.

¹¹ Ko leia e oli ki le mea o le loto, Ti e maua ia le kalasia i ona laugutu, e kaukau nea mo le sau.

¹² Ko mata o le Eteleno e puipui ia le poto, Kae e maumaui e ia a masau a le tagata agaveli.

¹³ E pati le tagata gasueveli : E i ai se laione i fafo ! E kai loa au i toleala !

¹⁴ Ko le gutu o fafine matapule ko se popoko loloto ; Ko leia e vesia ki ai le Eteleno e vilo loa ki ai.

¹⁵ E nonoa le valea ki le loto o le toe ; Kae ko le laakau o le akonaki leia e fakamamao ia loa a ia.

¹⁶ Ko leia e fakamakeke ia le tagata mativa e fakatupu ia lona koloa, E tatau mo leia e soli ia ki le tagata mou koloa ke fakaasilisili ai lona mativa.

¹⁷ Tuku mai lou taliga, fakalogo mai ki masau a le kau poto ; Tokaga mai lou loto ki nea ala e kau iloa.

¹⁸ Talie e malie ke ke taupau a nea ana i lou loto, Ti ke maua tuumau latou i ou laugutu.

¹⁹ O tupu ke tuku lau fanaki ki le Eteleno, E kau loto ke kau ako a koe i le aso nei, io a koe.

²⁰ Pe na leaise kau tosi ia kiate koe Ni tokoi, mo ni fakakaukau,

²¹ Ke ako ia kiate koe ni akonaki totonu, mo ni masau maoki, O tupu ke ke tali ki ni masau maoki ki leia e kakau ia a koe ?

²² Aua na ke kaia le mativa o tupu ko lona mativa, Ti aua na ke fakamakeke leia e mamae i le matapa ;

²³ Talie e puipui loa laua e le Eteleno, Ti e maumaui loa e ia le mauli o latou fuli ala e kaia ia laua.

²⁴ Aua na ke pipiki ki le tagata itaita, Ti aua na ke ano mo le tagata agamakeke,

²⁵ Talie na ke masani i ona ala, Ti ke lotou liliu ko se masele ki lou laumalie.

²⁶ Aua na ke kau ia latou ala e fai ia ni fakapapau, Mo latou ala e fakapapau ke totogi ia ni maua ;

²⁷ Kapau e leaise ke maua se nea ke totogi ai, Kolea e ke loto ai ke too lou palepale leia e ke moe ai ?

²⁸ Aua na ke siki le koiga mago, Leia na fakatuu e ou tamana.

²⁹ Kapau e ke tio ki se tagata leia e poto i le gaoi, E tonu ke gaoi a ia ki le sau ; E leaise tonu ke nofo fakapulipuli a ia.