Sosue 15 - Tosi Tapu

Le tofiga o Suta

¹ Ko le tofiga leia na tuku e le toso ki le faasiga o Suta, o mulimuli ki olatou famili, na mafola o kaku ki le koiga o Etome i le toafa o Sini, i le saute, i le taupotu oki o le saute.

² Ti na kamata le koiga saute mei le siku o le tai Kona, mei le alelo o le tai leia e agaaga ki le saute.

³ Na soko atu loa a ia i le saute o le paleaga o Akalapimi, o fakalaka loa i Sini, o pale loa i le saute o Katesi-Palenea ; na fano loa a ia i lena ki Eselone, o pale loa ki Atale, ti maliu loa ki Kalekaa ;

⁴ na fano a ia i lena ki Asemoni, o soko atu ki le liua o Esipito, o fakaoki ki le tai. Ko lena loa lokoutou koiga i le saute.

⁵ I le fetuu esite ko le koiga ko le tai Kona o kaku ki le muli o le vaitafe ko le Solotane.

⁶ Na pale loa a ia i lena ki Pete-Okala, o fakalaka i le noleto o Pete-Alapa, ti na toe pale a ia o kaku ki le fatu o Poani, vosa o Lupeni ;

⁷ na toe pale loa a ia i Tepile, i le vaivailiua o Akole, o ano fakaaga ki le noleto o Kilikale, leia na tuu i mua o le paleaga o Atumimi i le saute o le liua. Na fakalaka loa a ia i tafa o vai o Ene-Semesi, o ano loa o kaku ki Ene-Lokeli.

⁸ Na pale loa a ia i lena i le vaivailiua o Pene-Inome, i le fetuu saute o Sepusi, leia ko Selusalemi, ti na ano loa a ia o kaku ki le tumutumu o le mauga leia e tuu i mua o le vaivailiua o Pene-Inome i le uesite, ti mo le potupotu o le vaivailiua o le kau Lefaimi i le noleto.

⁹ Mei le tumutumu o le mauga na maliu loa a ia o kaku ki matapuna o Nefetoa, o soko atu loa ki kolo o le mauga o Efelone, o tau ki Paala, leia ko Kiliate-Sealimi.

¹⁰ Mei Paala na maliu loa a ia ki le uesite ki le mauga o Seili, o fakalaka loa i le fetuu noleto o le mauga ko Sealimi, i Kesaloni, o ifo loa ki Pete-Semesi, o fakalaka loa i Timina.

¹¹ Na toe soko atu loa a ia i le fetuu noleto o Ekeloni, o falo loa ki Sikoloni, o fakalaka loa i le mauga o Paala, o fano loa o kaku ki Sapeneele, o fakagato loa mei le tai.

¹² Ko le koiga uesite ko le tai Lasi. Ko koiga ana o le tofiga o Suta, o mulimuli ki olatou faasiga.

¹³ Na soli loa kia Kalepo, vosa o Sefune, se tofiga i loto malie o vosa o Suta, o mulimuli ki le nea leia na fakatotonu e le Eteleno kia Sosue. Na soli loa kiate ia le kolo ko Kiliate-Alepa, leia ko Epelone : ko Alapa ko le tamana o le kau Anake.

¹⁴ Na kapu loa e Kalepo i ai a vosa e toka tolu o Anake : ko Sesai, mo Asimani ti mo Talamai, ko fanau a Anake.

¹⁵ Mei lena na pale loa a ia o taui le kakai o Tepile, le kolo leia na igoa i mua ko Kiliate-Sefeli.

¹⁶ Na pati loa Kalepo : E kau soli loa loku taine ko Akesa ke avaga mo le tagata leia e malo loa i le kolo ko Kiliate-Sefeli.

¹⁷ Na malo loa a Oteniele, vosa o Kenasi, taina o Kalepo, i le kolo ; ti na soli loa e Kalepo kiate ia lona taine ko Akesa ke avaga mo ia.

¹⁸ I le aso leia na ulu ai loa Akesa ki le kaiga o Oteniele, na faigai loa e ia kia Oteniele ke kole se faisaga ki lona tamana ko Kalepo. Na ifo loa le taine mei lana asino, ti na pati loa Kalepo kiate ia : Kolea e ke loto ki ai ?

¹⁹ Na tali loa Akesa : fai mai kiate au se alofa, talie na ke soli mai kiate au se kele toafa ; soli mai foki kiate au ni matapuna vai. Ti na soli loa e Kalepo ki lona taine a matapuna vai i aluga ti mo matapuna vai i lalo.

²⁰ Ko lena le tofiga o le faasiga o vosa o Suta, o mulimuli ki olatou famili.

²¹ Ko kolo ala na tuu i le fetuu saute o le fenua o Suta, o feofi ki le koiga o Etome ko : Kapiteseele, mo Etele, mo Sakuli,

²² mo Kina, mo Timona, mo Atata,

²³ mo Ketesi, mo Asoli, mo Itinani,

²⁴ mo Sife, mo Teleme, mo Pealoti,

²⁵ mo Asoli-Atata, mo Kelisoti-Eseloni, leia ko Asoli ;

²⁶ mo Amami, mo Sema, mo Molata ;

²⁷ mo Asala-Kata, mo Esemoni, mo Pete-Paleti ;

²⁸ mo Asala-Suale, mo Pele-Sepa, mo Pisiotia ;

²⁹ mo Paala, mo Isimi, mo Asemi ;

³⁰ mo Eletolati, mo Kesili, mo Oloma ;

³¹ mo Tesikelake, mo Matamana, mo Sanisana ;

³² mo Lepaoti, mo Silimi, mo Aini ti mo Limoni. Ko le katoa o kolo ko le kau lua tupu iva, ti mo olatou kolo liliki.

³³ Ko kolo o le fenua taulalo ko : Esetaoli, mo Solea, mo Asena ;

³⁴ mo Sanoake, mo Ene-Kanimi, mo Tapua, mo Enami ;

³⁵ mo Salamuti, mo Atulami, mo Soko, mo Aseka ;

³⁶ mo Saalaimi, mo Atitaimi, mo Ketela ti mo Ketelotaimi ; ko kolo e kau agafulu tupu fa mo olatou kolo liliki.

³⁷ Na i ai foki mo Senani, mo Atasa, mo Mikitale-Kate ;

³⁸ mo Tileani, mo Misipe, mo Soketeele ;

³⁹ mo Lakisi, mo Potisekati, mo Ekeloni ;

⁴⁰ mo Kaponi, mo Lakemasi, mo Kitilisi ;

⁴¹ mo Keteloti, mo Pete-Takone, mo Naama ti mo Maketa ; ko kolo e kau agafulu tupu ono mo olatou kolo liliki.

⁴² Mo Lipina, mo Etele, mo Asani ;

⁴³ mo Sifitase, mo Asena, mo Netesipi ;

⁴⁴ mo Keila, mo Akesipe ti mo Malesa ; ko kolo e iva mo olatou kolo liliki.

⁴⁵ Mo Ekeloni, mo kolo na fakalogo ki ai ti mo ona kolo liliki ;

⁴⁶ mei Ekeloni ti mo le uesite, a kolo liliki fuli i tafa o Asetoti, ti mo olatou kolo liliki ;

⁴⁷ mo Asetoti, mo ona kolo ala na fakalogo ki ai, ti mo ona kolo liliki o kaku ki le liua o Esipito, leia ko le koiga.

⁴⁸ I le mauga : ko Samili, mo Satili, mo Soko,

⁴⁹ mo Tana, mo Kiliate-Sana, leia ko Tepile ;

⁵⁰ mo Anape, mo Esetemo, mo Anime ;

⁵¹ mo Koseni, mo Oloni ti mo Kilo ; kolo e kau agafulu tupu tasi mo olatou kolo liliki.

⁵² Mo Alape, mo Tuma, mo Eseani ;

⁵³ mo Sanumi, mo Pete-Tapua, mo Afeka ;

⁵⁴ mo Umeta, mo Kiliate-Alepa, leia ko Epelone, mo Tesioli ; kolo e iva mo olatou kolo liliki.

⁵⁵ Mo Maoni, mo Kalemelo, mo Sife, mo Siuta ;

⁵⁶ mo Siseleele, mo Soketeame, mo Sanoake ;

⁵⁷ mo Kaini, mo Kipea ti mo Timina ; kolo e kau agafulu mo olatou kolo liliki.

⁵⁸ Mo Aluli, mo Pete-Tesuli, mo Ketoli ;

⁵⁹ mo Maalati, mo Pete-Anoti ti mo Eletekoni ; kolo e ono mo olatou kolo liliki.

⁶⁰ Mo Kiliate-Paale, leia ko Kiliate-Sealimi, mo Lapa ; kolo e lua mo ola kolo liliki.

⁶¹ I le toafa : ko Pete-Alapa, mo Mitini, mo Sekaka ;

⁶² mo Nipisani, mo Ili-Amelasi ti mo Ene-Keti ; kolo e ono mo olatou kolo liliki.

⁶³ Na leaise mafai loa e vosa o Suta le kapu o le kau Sepusi ala na nonofo loa i Selusalemi, ti na nonofo loa le kau Sepusi mo vosa o Suta i Selusalemi o kaku mai ki le aso nei.