Sosue 12 - Tosi Tapu

Ko sau ala na lava i Iselaele

¹ Ko nei a sau ala na tamate e fanau a Iselaele, ti na lotou too loa olatou fenua i le fetuu esite o le Solotane, mei le liua o le Alenone o kaku ki le mauga o le Elemoni, ti mo le toafa katoa i le esite.

² Ko Sioni, sau o le kau Amole, leia na nofo i Eseponi. Na pule a ia mei le Aoeli, leia na tuu i le kauvai o le Alenone, ti mei le loto malie o le liua, ki le vaelua o le fenua o Kalaate, o kaku ki le liua o Sapoke, leia ko le koiga o fanau a Amone ;

³ ti mei le toafa, o kaku ki le tai o Kineleti i le esite, ti o kaku ki le tai kona i le potu esite, i tafa o Pete-Sesimoti ; ti mo le potu saute, i le vae o le mauga ko Pisika.

⁴ Ko Oki, sau o Pasani, leia na kau ki tagata fakamuli o le sakoga Lefaimi. Na sau a ia i Pasani, ti na nofo a ia i Asetaloti mo Etelei.

⁵ Na pule a ia ki le mauga o Elemoni, mo Salaka, mo le Pasani katoa o kaku ki le koiga o le kau Kesuli mo le kau Maaka, ti mo le vaelua o Kalaate o kaku ki le koiga mo le puleaga o Sioni, sau o Eseponi.

⁶ Na tamate loa e Moisese mo fanau a Iselaele a sau ana e lua ; ti na soli loa e Moisese, tagata fakasausau a le Eteleno, ola fenua ki faasiga o Lupeni, mo Kate, ti mo le vaelua o le faasiga o Manase.

⁷ Ko nei a sau ala na tamate loa e Sosue mo fanau a Iselaele i le fetuu leinei o le Solotane, le fetuu uesite, mei Paale-Kati i le vaivailiua o Lipane o kaku ki le mauga tula leia e feofi ki Seili. Na soli loa e Sosue olatou fenua ki fanau a Iselaele, o vae i olatou faasiga :

⁸ le mauga, mo le fenua taulalo, mo le fenua o le vaivailiua o le Solotane, mo le fenua fakamaifo, mo le fenua o le toafa, ti mo le fenua o le saute ; fenua o le kau Eti, mo le kau Amole, mo le kau Kanaane, mo le kau Pelesi, mo le kau Evi, ti mo le kau Sepusi.

⁹ Ko le sau o Seliko, tasi ; ko le sau o Ai, i tafa o Petele, tasi ;

¹⁰ ko le sau o Selusalemi, tasi ; ko le sau o Epelone, tasi ;

¹¹ ko le sau o Salamuti, tasi ; ko le sau o Lakisi, tasi ;

¹² ko le sau o Ekeloni, tasi ; ko le sau o Kesele, tasi ;

¹³ ko le sau o Tepile, tasi ; ko le sau o Keteli, tasi ;

¹⁴ ko le sau o Oloma, tasi ; ko le sau o Alate, tasi ;

¹⁵ ko le sau o Lipina, tasi ; ko le sau o Atulami, tasi ;

¹⁶ ko le sau o Maketa, tasi ; ko le sau o Petele, tasi ;

¹⁷ ko le sau o Tapuake, tasi ; ko le sau o Epele, tasi ;

¹⁸ ko le sau o Afeke, tasi ; ko le sau o Lasaloni, tasi ;

¹⁹ ko le sau o Matoni, tasi ; ko le sau o Asoli, tasi ;

²⁰ ko le sau o Similoni-Meloni, tasi ; ko le sau o Akisafi, tasi ;

²¹ ko le sau o Taanake, tasi ; ko le sau o Mekito, tasi ;

²² ko le sau o Ketesi, tasi ; ko le sau o Sokineami, i le Kalemelo, tasi ;

²³ ko le sau o Tole, i le fenua o Tole, tasi ; ko le sau o Kosimi, i tafa o Kilikale, tasi ;

²⁴ ko le sau o Tilitesa, tasi. Ko le katoa o sau : ko le tino tolu tupu tasi.