Sopo 23 - Tosi Tapu

Tali a Sopo o puipui a ia i mua o le Atua

¹ Na masau loa a Sopo, o pati :

² I le lakaga nei foki ko laku lauga ko se agatuu, Kae kua tapono aku tagi e le mamae.

³ Oi, ka na kau iloa le ganea leia e kau maua ai loa a ia, Ka na mafai ke kau kaku ki lona ekeekeaga fakasau,

⁴ E kau vevete loa kiate ia loku anoaga, E kau fakamatala loa kiate ia aku manatu fuli,

⁵ E kau iloa loa le nea leia e feala ke tali mai e ia kiate au, Ti e kau matala loa ki le nea leia e fia fakasa mai e ia kiate au.

⁶ Pe aoga ke too e ia lona makeke katoa kiate au ? Leai : e feauga fua ke logo mai a ia kiate au ?

⁷ E masau loa a ia mo se tagata faitotonu, Ti e fakamauli loa au e loku tui fakamaau o lee gato.

⁸ Kae kapau e kau ano ki le potu esite, e leaise nofo a ia i ai ; kapau e kau ano ki le potu uesite, e leaise kau maua a ia ;

⁹ Pe visia a ia i le potu noleto, e leaise feala ke kau tio kiate ia ; Pe mumuni a ia i le potu saute, e leaise feala kau maua a ia.

¹⁰ Kae e iloa malie e ia le ala leia na kau ano ai ; Kua asiasii e ia au, kae kau mavae loa mei ai kua kau mea ofaipe le aulo.

¹¹ Na pipiki loku vae ki ona lakaaga ; Na kau tausi lona ala, ti na leaise kau mavae fua i ai.

¹² Na leaise kau tiaki a lao o ona laugutu ; Na kau peluki loku loto ki folafola o lona gutu.

¹³ Kae kua oki lana fakatuutuu i le fai ; ko ai e toe fakatuu ia loa a ia ? E fai e ia le nea leia e oli ki ai lona loto.

¹⁴ Io, e fai loa e ia ana fakatutuu fuli kiate au, Ti e toe fai foki e ia mo ni iki ake fakatutuu foou.

¹⁵ Koia e kau i ai i le tuu i ona mua ; Ti ka kau fakakaukau, e toe asilisili ake loku i kiate ia.

¹⁶ Kua fatii e le Atua loku loto ; kua fakaapele e le Mafimafi loku loto ki nea fakaii.

¹⁷ Talie e leaise ko le pouli leia e kau i ki ai, Ti e leaise ko le fakapouli leia e fakapulou ia au.