Senesi 36 - Tosi Tapu

Sakoga o Esau (Etome)

¹ Ko leinei le sakoga o Esau, leia ko Etome.

² Na avaga loa Esau mo ni taineliki o Kanaane : Ko Ata, taine o le tagata Eti ko Eloni ; mo Olipama, taine o Ana, taine o le tagata Evi ko Sipeoni ;

³ ti mo Pasemati, taine o Isemaele, tuagaane o Nepasote.

⁴ Na fanaui loa e Ata kia Esau a Elifasi ; ti na fanaui loa e Pasemati a Leuele ;

⁵ Na fanaui loa e Olipama a Seuse, mo Saelame, mo Kole. Ko vosa ana o Esau ala na tupu kiate ia i le fenua o Kanaane.

⁶ Na ave loa e Esau ana avaga, mo ona vosa, mo ona taineliki, mo lona kau kaiga katoa, mo ana kau pipi, mo ana kau ovi, mo ana kau koti, ti mo ona koloa fuli ala na maua e ia i le fenua o Kanaane, ti na ano loa a ia ki se tasi ake fenua kese, ke mamao mei lona taina ko Sakopo.

⁷ Talie na lasi ai ola koloa, ti na leaise koi mafai ke la nofo fakatasi, ti na leaise koi feauga loa le fenua leia na la nofo ai ki ala kau manu.

⁸ Na nofo loa Esau i le mauga o Seili. Ko Esau, ko Etome a ia.

⁹ Ko leinei le sakoga o Esau, tamana o Etome, leia na nofo i le mauga o Seili.

¹⁰ Ko nei a igoa o vosa o Esau : Ko Elifasi, tama o lana avaga ko Ata ; mo Leuele, tama o lana avaga ko Pasemati.

¹¹ Ko vosa o Elifasi : ko Temane, mo Omale, mo Tesefo, mo Katami, mo Kenasi.

¹² Ti ko Timina ko le tinifu o le vosa o Esau ko Elifasi ; na fanaui loa e ia kia Elifasi a Amaleke. Ko vosa ana o Esau kia Ata.

¹³ Ko nei a vosa o Leuele : Ko Naate, mo Selake, mo Sama, mo Misa. Ko vosa ana o Esau ki lana avaga ko Pasemati.

¹⁴ Ko nei a vosa o Olipama, taine o Ana, taine o Sipeoni. Na fanaui loa e ia kia Esau a Seuse, mo Salami, mo Kole.

¹⁵ Ko nei a aliki ala na sosolo mei vosa o Esau. Ko aliki ala na sosolo mei le vosa uluaki o Esau ko Elifasi : ko le aliki ko Temane, mo le aliki ko Omale, mo le aliki ko Tesefo, mo le aliki ko Kenasi,

¹⁶ mo le aliki ko Kole, mo le aliki ko Katami, mo le aliki ko Amaleke. Ko aliki ana na sosolo meia Elifasi, i le fenua o Etome. Ko vosa ana o Esau ki lana avaga ko Ata.

¹⁷ Ko nei a vosa o Leuele, vosa o Esau : Ko le pule ko Naate, mo le pule ko Selake, mo le pule ko Sama, mo le pule ko Misa. Ko pule ana na sosolo meia Leuele, i le fenua o Etome. Ko vosa ana o Esau ki lana avaga ko Pasemati.

¹⁸ Ko nei a aliki ala na sosolo mei vosa o le avaga o Esau ko Olipama : Ko le pule ko Seuse, mo le pule ko Saelame, mo le pule ko Kole. Ko pule ana na sosolo mei le avaga o Esau ko Olipama, taine o Ana.

¹⁹ Ko vosa ana o Esau, ala na liliu ko aliki o Etome. Ko Esau ko Etome.

²⁰ Ko nei a vosa o Seili, ko le tagata Oli, ala na uluaki nonofo i le fenua : ko Lotane, mo Sopale, mo Sipeoni, mo Ana,

²¹ mo Tisoni, mo Etesele, mo Tisani. Ko aliki ana o le kau Oli, ko vosa o Seili, i le fenua o Etome.

²² Ko vosa o Lotane ko Oli mo Emami. Ko le tuagaane o Lotane ko Timina.

²³ Ko nei a vosa o Sopale : Ko Alevane, mo Manaate, mo Epale, mo Sefo, mo Onama.

²⁴ Ko nei a vosa o Sipeoni : ko Asa mo Ana. Ko le Ana lena leia na maua ia a matapuna vai vevela i le toafa, i lana tausi a asino o lona tamana ko Sipeoni.

²⁵ Ko nei a fanau a Ana : Ko Tisoni mo le taine ko Olipama.

²⁶ Ko nei a vosa o Tisoni : Ko Emitani, mo Esipani, mo Sitilane, mo Kelane.

²⁷ Ko nei a vosa o Etesele : Ko Pilane, mo Saavane, mo Akane.

²⁸ Ko nei a vosa o Tisani : Ko Usi mo Alane.

²⁹ Ko nei a aliki o le kau Oli : Ko le aliki ko Lotane, mo le aliki ko Sopale, mo le aliki ko Sipeoni, mo le aliki ko Ana,

³⁰ mo le aliki ko Tisoni, mo le aliki ko Etesele, mo le aliki ko Tisani. Ko aliki ana o le kau Oli, ala na lotou maua i le fenua o Seili.

³¹ Ko nei a sau ala na pule i le fenua o Etome, i mua o le fakanofo o se sau ki fanau o Iselaele.

³² Ko Pela, ko le vosa o Peoli, na sau loa i Etome, ti ko le igoa o lona kolo ko Tinapa.

³³ Na mate loa a Pela, ti na sau loa a Sopape, ko le vosa o Selake mei Potisela, o fetogi a ia.

³⁴ Na mate loa Sopape, ti na sau loa a Usami, mei le fenua o le kau Temane, o fetogi a ia.

³⁵ Na mate loa Usani, ti na sau loa Atati, ko le vosa Petate, o fetogi a ia. Ko ia lena na tamate ia loa a Matiane i faisaga o Moape. Ko le igoa o lona kolo ko Aviti.

³⁶ Na mate loa Atati, ti na sau loa Samela mei Masileka, o fetogi a ia.

³⁷ Na mate loa Samela, ti na sau loa Saulo mei Leopoti i le vaitafe, o fetogi a ia.

³⁸ Na mate loa Saulo, ti na sau loa Paale-Anani, vosa o Akepole, o fetogi a ia.

³⁹ Na mate loa Paale-Anani, vosa o Akepole, ti na sau loa Atale, o fetogi a ia. Ko le igoa o lona kolo ko Pau ; ti ko le igoa o lana avaga ko Mesetapeele, ko le taine o Mateleti, ti ko le makopuna o Mesapi.

⁴⁰ Ko nei a igoa o aliki ala na sosolo meia Esau, o mulimuli ki olatou famili, mo olatou kele, ti mo olatou igoa : Ko le aliki ko Timina, mo le aliki ko Aliva, mo le aliki ko Seteti,

⁴¹ mo le aliki ko Olipama, mo le aliki ko Ela, mo le aliki ko Pinone,

⁴² mo le aliki ko Kenasi, mo le aliki ko Temane, mo le aliki ko Mipisali,

⁴³ mo le aliki ko Maketiele, mo le aliki ko Ilame. Ko aliki ana o Etome, o mulimuli ki olatou nofoaga i le fenua leia na lotou maua. Ko lena Esau, ko le tamana o Etome.