Senesi 10 - Tosi Tapu

Sakoga o vosa o Noe

¹ Ko leinei le sakoga o vosa o Noe : ko Semi, mo Kami, mo Safeti. Na tupu loa kia latou ni vosa i le oki o le lomaki.

² Ko vosa o Safeti : Ko Komele, mo Makoke, mo Matai, mo Savani, mo Tupale, mo Meseke, mo Tilasi.

³ Ko vosa o Komele : Ko Asekenase, mo Lifate, mo Tokalama.

⁴ Ko vosa o Savani : Ko Eliseka, mo Talasisi, mo Kitimi, mo Totanimi.

⁵ Ko latou ana ala na fakakakai ia a mata tai o puleaga o mulimuli ki olatou kele, mo alatou masau, mo olatou famili, ti mo olatou puleaga.

⁶ Ko vosa o Kami : Ko Kusi, mo Misilaimi, mo Puti, mo Kanaane.

⁷ Ko vosa o Kusi : Ko Sapa, mo Avila, mo Sapita, mo Laema, mo Sapeteka. Ko vosa o Laema : ko Sepa mo Tetane.

⁸ Na fakatupu loa e Kusi a Nimelote ; ko ia lena na kamata ia loa le pule i le malama nei.

⁹ Na liliu loa a ia ko se tagata kapu manu lasi i mua o le Eteleno ; koia leia e pati ai : Tagata kapu manu lasi i mua o le Eteleno ofaipe Nimelote.

¹⁰ Na uluaki sau loa a ia i Papele, mo Eleki, mo Akati ti mo Kalene, i le fenua ko Sinea.

¹¹ Na au loa Asule mei le fenua lena. Na fakatuu loa e ia Ninive, mo Leopoti-Ile, mo Kela,

¹² ti mo Lesene i le vasa o Ninive mo le kolo lasi ko Kela.

¹³ Na fakatupu loa e Misilaime le kau Lutime, mo le kau Anamime, mo le kau Leapimi, mo le kau Nafetuimi,

¹⁴ mo le kau Patulusimi, mo le kau Kaseluimi, ala na tupu loa mei ai le kau Kafetolimi mo le kau Filisitini.

¹⁵ Na fakatupu loa e Kanaane a Sitone, ko lona uluaki, mo Eti ;

¹⁶ mo le kau Sepusi, mo le kau Amole, mo le kau Kilikasi,

¹⁷ mo le kau Evi, mo le kau Aleki, mo le kau Sini,

¹⁸ mo le kau Alevate, mo le kau Tesemale mo le kau Amati. Ti na mavetevete loa a famili o le kau Kanaane.

¹⁹ Na natu loa a koiga o Kanaane i Sitone, i le fetuu o Kela, o kaku ki Kasa, ti na lotou soko atu loa i ai ki Sotoma mo Komola, ki Atema mo Sepoimi, o tau ki Lesa.

²⁰ Ko vosa ana o Kami, o mulimuli ki olatou famili, mo alatou masau, mo olatou fenua, ti mo olatou puleaga.

²¹ Na tupu foki ni vosa kia Semi, ko le taina mua o Safeti. Ko le tamana a ia o vosa fuli o Epele.

²² Ko vosa o Semi : Ko Elame, mo Asule, mo Alepakesate, mo Lute, mo Alame.

²³ Ko vosa o Alame : Ko Usi, mo Uli, mo Ketele, mo Masi.

²⁴ Na fakatupu loa e Alepakesate a Selake ; ti na fakatupu loa e Selake a Epele.

²⁵ Na tupu loa kia Epele a vosa e lua : na igoa loa le tasi ko Peleke, talie na mavetevete loa le malama nei i lona temi ; ti na igoa loa lona taina ko Sokitane.

²⁶ Na fakatupu loa e Sokitani a Alimotate, mo Selefi, mo Asalemaveti, mo Selake,

²⁷ mo Atolame, mo Usale, mo Tikala,

²⁸ mo Opale, mo Apimaele, mo Sepa,

²⁹ mo Ofile, mo Avila, mo Sopape. Ko vosa fuli ana o Sokitani.

³⁰ Na lotou nofo loa i le vasa o Mesa mo le mauga o Sefa i le potu esite.

³¹ Ko vosa ana o Semi, o mulimuli ki olatou famili, mo alatou masau, mo olatou fenua, mo olatou puleaga.

³² Ko famili ana o vosa o Noe, o mulimuli ki olatou tautupu mo olatou puleaga. Ti ko latou ana ala na fakatupu ia loa a puleaga ala na fakakakai ia le malama nei i le oki o le lomaki.