Selemia 47 - Tosi Tapu

Folafola kikite ki le kau Filisitini

¹ Ti na tuku loa le folafola a le Eteleno kia Selemia, le polofeta, o uiga mo le kau Filisitini, i mua o le taai o Kasa e Falaone.

² E folafola le Eteleno, o pati : Ko leinei, e malaga mai ni atu vai lalasi i le potu noleto, Ofaipe se liua kua puke ; E lotou fakalomaki le fenua mo nea fuli i ai, A kolo mo olatou kakai. Kua fai e tagata tagi ; Kua tagi laulau a kakai fuli o le fenua,

³ O tupu ko le patatu o vae o ana osi makeke, Mo le gugulu o ana saliote ti mo le kiki o teka. E leaise toe tagaki ki muli a tamana ki alatou fanau, I le gaegae lasi olatou lima,

⁴ Talie kua soko mai le aso leia e maumaui ai loa le kau Filisitini katoa, Ti e tamate ai loa latou fuli ala koi tokoi ki Tile mo Sitone ; Talie e maumaui loa e le Eteleno le kau Filisitini, Mo toetoega o le motu ko Kafetoli.

⁵ Kua tula le ulu o Kasa, Kua fakalologo Asekaloni, ti mo le toega o lona toafa. E kaku loa kiafea lau vaku lou tino ?

⁶ Oiau ! Seleta a le Eteleno, e ke manavanava loa afea ? Ulu ki lou tukuaga, taofi, malolo !

⁷ Pe feaki loa lau malolo ? E tuku e le Eteleno ana fakatotonu kiate ia, Ke agaaga ki Asekaloni mo le fenua o le mata tai.