Selemia 45 - Tosi Tapu

Ikuaga o Paluke

¹ Ko leinei le folafola leia na tuku e le polofeta ko Selemia kia Paluke, vosa o Nelisa, i le temi leia na tosi ai e ia i se tosi a folafola ala na lau kiate ia e Selemia, i le fetuu fa o Sosakimi, vosa o Sosiasi, sau o Suta. Na pati a ia :

² E folafola le Eteleno, le Atua o Iselaele, kiate koe, Paluke :

³ E ke pati : Malaia kiate au ! Talie kua fakalasi e le Eteleno loku mamae ki ni iki ake mamae ; kua kau gaegae i le tagi, ti e leaise kau maua fua se ga malolo.

⁴ Pati kiate ia : E folafola le Eteleno, o pati : Ko leinei, e kau maumaui loa le nea leia kua kau fakatuu ; ti e kau taaki loa le nea leia kua kau to, io, le fenua katoa leinei.

⁵ Ti ko koe, pe ke afa loa ni nea lalasi kiate koe ? Aua na ke afa latou ! Talie ko leinei, e pati le Eteleno, e kau aumai loa le malaia ki kanofi fuli ; kae e kau soli atu loa lou mauli kiate koe ofaipe sou koloa i le vae koloa, i ganea fuli ala e ke ano loa ki ai.