Pesalemo 93 - Tosi Tapu

Ko le pule o le Atua ki le malama nei

¹ E sau le Eteleno, kua teu a ia ki le mamalu ofaipe se kofu, Kua takatakai a ia ki le mafimafi ofaipe se kilipipi. Koia e tuu mau ai le malama nei, e leaise taugaoi ai.

² Na fakatuu lou ekeekeaga fakasau talu mei temi mua ; E ke agai talu mei le lee gato mo lee gato.

³ E siki ake e vaitafe, ei Eteleno ! E siki ake e vaitafe olatou leo, E siki ake e vaitafe a gugulu olatou piau.

⁴ Ko le Eteleno e mafimafi i le atu lagi, O lasi ake i le leo o vai lalasi mo makeke, I piau itaita o le tai.

⁵ E maoki katoa au fakamaoki ; E gali mo lou fale le maokioki, Ei Eteleno ! ki le gatoaga o le malama nei.