Pesalemo 87 - Tosi Tapu

Sione, kolo o le Atua

¹ A vosa o Kole. Pesalemo. Katiko. Na laga a ia i aluga o atu mauga maokioki.

² E alofa le Eteleno ki matapa o Sione O lasi ake i nofoaga fuli o Sakopo.

³ Na masaui ni nea fakakololia o uiga mo koe ! Ei kolo o le Atua - Manava.

⁴ E kau fakasa Esipito mo Papilone ia latou ala e iloa ia au. Ko leinei, ko le fenua o le kau Filisitini, mo Tile, mo Etiopia : Ko Sione leia na lotou tupu ai !

⁵ Ti e pati o uiga mo Sione : e tupu fuli i ai, Ti ko le Taualuga leia e fakamakeke ia a ia.

⁶ E lau e le Eteleno a kakai o tosi : Ko le ganea lena na lotou tupu ai. - Manava.

⁷ Ti ko latou ala e sua ti mo latou ala e mako e kalaga : E iate koe oku matapuna fuli.