Pesalemo 82 - Tosi Tapu

Tautea o tui fakamaau agaveli

¹ Pesalemo a Asafe. E agai le Atua i le fakatasiga a le Atua ; E fakamaau a ia i loto malie o atua.

² E kaku loa kiafea lakotou fakamaau veli, Ti mo lakotou tokaga ki le tagata agaveli ? - Manava.

³ Kotou fakamaau i le fakatotonu leia e gaegae mo leia e sala matua, Kotou fakamaau i le faitotonu leia fakaaloalofa mo leia e mativa,

⁴ Kotou fakamauli leia e mamae mo le tagata e maimoa, Kotou saofaki latou i le lima o le kau agaveli.

⁵ E leaise lotou maua le iloa mo le atamai, E lotou saele i le fakapouli ; Kua taugaoi a fakatafito fuli o le malama nei.

⁶ Na kau pati : ko koutou ko ni atua, Ko koutou ko vosa fuli o le Taualuga.

⁷ Kae e kotou mamate loa ofaipe ni tagata, E kotou vivilo loa ofaipe se pule masani.

⁸ Tuu ki aluga, ei Atua, o fakamaau le malama nei ! Talie a au a atu puleaga fuli.