Pesalemo 8 - Tosi Tapu

Le kololia o le Atua i le malama nei

¹ Ki le pule o le kau sua. Mo nea faimusika. Pesalemo a Tavite.

² Eteleno, lomatou Aliki ! E malie lasi ai lou suafa i le malama nei katoa ! Na ke fakatuu lou agaiaga i aluga o atu lagi.

³ Na ke fakatuu lou kololia I gutu o toe liliki mo latou koi u, O tupu ke luma ai latou ala e fakafesagai kiate koe, Ti ke tapono ai a gutu o le fili mo leia e fia nealasi.

⁴ Ka kau tio ki le lagi, le gaoiaga o ou lima, Mo le masina, mo fetuu ala na ke fakatupu :

⁵ Kolea le tagata ke ke manatu ai kiate ia ? Ti mo le vosa o le tagata ke ke tokaga ai kiate ia ?

⁶ Na ke fakatupu a ia ke taulalo fakaikiiki fua i le Atua, Ti na ke fakapala a ia ki le kololia mo le mauiga,

⁷ Na ke soli kiate ia le pule ki gaoiaga o ou lima, Ti na ke tuku nea fuli ki ona vae,

⁸ A ovi fafine ofaipe pipi tagata, Mo manu o le vao,

⁹ A manu lele o le lagi mo ika o le tai, Mo nea fuli e ano i ala o le tai.

¹⁰ Eteleno, lomatou Aliki ! E fulumalie ai lou suafa i le malama nei katoa !