Pesalemo 76 - Tosi Tapu

Ko le malo o le mafimafi o le Atua

¹ Ki le pule o le kau sua. I ni nea faimusika va. Pesalemo a Asafe. Katiko.

² E iloa le Atua i Suta, E lasi lona suafa i Iselaele.

³ E tuu lona falela i Selusalemi, Ti ko lona nofoaga i Sione.

⁴ Ko le ganea lena na fatifati ai e ia a gasau, Mo le paletau, mo le seleta, mo masafu tau. - Manava.

⁵ E ke taualuga ake, mo makeke ake I mauga o le kau kaia.

⁶ Kua lotou telefua, latou ala na loto toa, Kua lotou momoe i le moe fakaoki ; Na leaise lotou mafai ke lotou saofaki latou, latou ala ko ni tagata tau fuli.

⁷ I lau itaita, Atua o Sakopo ! Na lotou momoe loa, latou na eke i osi mo osi, i le moe o le mate.

⁸ E ke fakaii ai, a koe ! Ko ai e mafai ke tuu i ou mua mo ka ke ita ?

⁹ Mei le lagi, na ke fakasa le fakamaau ; Na fakalologo le malama nei i lona i,

¹⁰ I le temi leia na tuu ake ai le Atua o fai le fakamaau, O fakamauli le kau fakaaloalofa fuli o le malama nei. - Manava.

¹¹ Io, e toe fakafetai foki kiate koe le tagata i lona itaita, Mo ka ke kofu ki lou sausau katoa.

¹² Kotou fai ni fakapapau ki le Eteleno, lokoutou Atua, ti kotou fai latou ! Ko latou fuli ala e nonofo i ona tafatafa, ke lotou aumai ni moliga ki le Atua fakaii !

¹³ E tuku e ia ki lalo le fia nealasi o pule, E fakaii a ia ki sau o le malama nei.