Pesalemo 67 - Tosi Tapu

Fakafetai a le malama nei katoa ki le Atua

¹ Ki le pule o le kau sua. Mo nea faimusika va. Pesalemo. Katiko.

² Ke alofa le Atua kia matou ti ke tapuaki a ia kia matou, Ke fakagigila e ia ona mata kia matou. - Manava.

³ O tupu ke iloa lou ala i le malama nei, Ti mo lou fakamauli i atu puleaga fuli !

⁴ E fakafetai a kakai fuli kiate koe, ei Atua ! E fakafetai a kakai fuli kiate koe.

⁵ E fiafia a atu puleaga ti mo nekenekea o tupu ko koe ; Talie e ke fakamaau a kakai i le maoki, Ti e ke taki a atu puleaga i le malama nei. - Manava.

⁶ E fakafetai a kakai kiate koe, ei Atua ! E fakafetai a kakai fuli kiate koe.

⁷ E soli e le kele ona fua ; Ko le Atua, lomatou Atua, e tapuaki kia matou.

⁸ E tapuaki matou e le Atua, Ti ko potupotu fuli o le malama nei e i kiate ia.