Pesalemo 54 - Tosi Tapu

Kole ki le saofaki

¹ Ki le pule o le kau sua. Mo ni nea faimusika va. Katiko a Tavite.

² I le au o le kau Sife o fakasa kia Saulo : Pe leaise mumuni koia Tavite i lotolotoga o matou ?

³ Ei Atua ! Saofaki au i lou suafa, Ti ke fakamaau au o mulimuli ki loku faitotonu i lou mafimafi !

⁴ Ei Atua ! fakalogo mai ki laku kole, Tuku mai lou taliga ki masau o loku gutu !

⁵ Talie kua tutuu ake ni matapule kiate au, E loto ni tagata itaita ki loku mauli ; E leaise lotou ave alatou manatu ki le Atua. - Manava.

⁶ Ko leinei, ko le Atua ko loku tokoi, Ko le Aliki ko le pou o loku laumalie.

⁷ E toe vilo loa le veli ki oku fili ; Ke ke tapono olatou gutu, o tupu ko lou agatonu !

⁸ E kau momoli loa kiate koe ni sakilifisio i loku loto katoa ; E kau fakafetai loa ki lou suafa, ei Eteleno, talie e malie a ia,

⁹ Talie e saofaki e ia au i oku mamae fuli, Ti e fiafia loa oku mata i le tio ki oku fili.