Pesalemo 53 - Tosi Tapu

Ko le paaki o le tagata pagani

¹ Ki le pule o le kau sua. I le fulute. Katiko a Tavite.

² E pati le vale i lona loto : E leaise Atua ! Kua lotou veli, kua lotou fai ni agaveveli fakalialia ; E leaise tasi fua e fai ia le malie.

³ Ko le Atua mei aluga o le atu lagi, e tio ki vosa o le tagata, Pe tio ki se tasi leia e atamai, Se tasi leia e afa ia le Atua.

⁴ Kua lotou sese fuli, kua lotou fakalialia fuli ; E leaise toka tasi e fai ia le malie, e leaise fa toka tasi fua.

⁵ Pe kua puli le atamai o latou ala e fai ia le veli ? E lotou kai loku kakai, e lotou too a ia ofaipe se nea kai ; E leaise lotou fetapa fua ki le Atua.

⁶ Koia e lotou lulu ai loa i le i, Kae e leaise fakaii latou e se nea ; E veteki loa e le Atua a ivi o latou ala e tau kiate koe ; E ke fakaluma loa latou, talie kua tiaki latou e le Atua.

⁷ Ko ai ka kakau ia loa mei Sione le fakamauli o Iselaele ? Ka toe aumai loa e le Atua le kau popula o lona kakai, E nofo loa Sakopo i le nekenekea, e fiafia loa Iselaele.