Pesalemo 43 - Tosi Tapu

Amanaki malie ki le Atua

¹ Ke ke tuku mai kiate au loku faitotonu, ei Atua, ke ke puipui au i se puleaga lee agatonu ! Ke ke saofaki au i ni tagata kaka mo agaveveli !

² Ko koe, ei loku Atua, leia e puipui ia au, kolea e ke tekei ai au ? Kolea e tonu ai ke kau saele i le mamae, I le fakaveliveli a e le fili ?

³ Kakau mai lou malama mo lou agatonu ! Ke la taki au, Ke la ave au ki lou mauga maokioki mo ou nofoaga !

⁴ E kau ano loa ki le aletale o le Atua, o le Atua, ko loku fiafiaaga mo loku nekenekeaaga, Ti e kau fakafetai loa kiate koe i le alepe, ei Atua, ko loku Atua !

⁵ Kolea e ke mamae ai, ei loku laumalie, ti e ke tagi ai i loku loto ? Ke ke amanaki malie ki le Atua, talie e kau toe fakafetai loa kiate ia. Ko ia ko loku fakamauli mo loku Atua.