Pesalemo 4 - Tosi Tapu

Malolo i le temi o le mamae

¹ Ki le pule o le kau sua. Mo nea faimusika va. Pesalemo a Tavite.

² Ka kau tagi, tali mai kiate au, Atua o loku faitotonu ! Ka kau nofo i le mamae, fakamauli au ! Alofa mai kiate au, fakalogo mai ki laku kole !

³ Vosa o tagata, e kaku loa kiafea mo lakotou fakanoai loku kololia ? E kaku loa kiafea mo lakotou alofa ki nea vaiga ? E kaku loa kiafea mo lakoutou afa le loi ? - Manava.

⁴ Ke kotou iloa kua filifili e le Eteleno kiate ia se tagata agamalie ; Ti e logo le Eteleno, mo ka kau tagi kiate ia.

⁵ Ke kotou lulu, ti ke aua na kotou agasala ; Ke kotou masau i okoutou loto i okoutou moeaga, ti kotou fakalologo. - Manava.

⁶ Ke kotou momoli ni sakilifisio o le faitotonu, Ti ke kotou fanaki ki le Eteleno.

⁷ E pati le toka api : Ko ai ka fakatio ia loa matou ki le fiafia ? Ei Eteleno, fakasopo mai kia matou le malama o ou mata !

⁸ E ke tuku ki loku loto se fiafia o lasi ake i leia e lotou maua Mo ka lasi lolatou fulumeto mo lolatou vino.

⁹ E kau moemoe, ti e kau moe mate i le tokamalie, Talie ko koe toka tasi, ei Eteleno, e ke soli kiate au le malolo i loku nofoaga.