Pesalemo 3 - Tosi Tapu

Fanaki i le fakaveliveli

¹ Pesalemo a Tavite. I lona sola i mua o Apesalone, lona vosa.

² Ei Eteleno, e lasi ai oku fili ! E api ai latou ala e agatuu mai kiate au !

³ E toka api latou ala e masau o uiga mo au : E leaise toe maua se fakamauli kiate ia i tafa o le Atua ! -Manava.

⁴ Kae ko koe, ei Eteleno ! ko loku paletau a koe, Ko loku kololia a koe, ti e ke toe lagai loku ulu ki aluga.

⁵ I loku leo na kau tagi ki le Eteleno, Ti e tali mai a ia kiate au mei lona mauga maokioki. -Manava.

⁶ E kau moe, ti e kau moe mate ; E kau ala ake, talie ko le Eteleno ko loku tokoi.

⁷ E leaise kau tuania ia a tino afe mo tino afe, Ala e takatakai ia au i potu fuli.

⁸ Ke ke tuu ki aluga, Eteleno ! Ke ke saofaki au, ei loku Atua ! Talie e ke taai a kalaafau o oku fili fuli, E ke fatifatii a nifo o le kau agaveli.

⁹ E maua le fakamauli i tafa o le Eteleno : Ke ifo lau tapuaki ki lou kakai ! -Manava.