Pesalemo 29 - Tosi Tapu

Ko le mafimafi o le Atua

¹ Pesalemo a Tavite. Vosa o le Atua, kotou tuku ki le Eteleno, Kotou tuku ki le Eteleno le kololia mo le mauiga !

² Kotou tuku ki le Eteleno le kololia leia e gali mo lona suafa ! Kotou atolasio ki le Eteleno i ni kofu taputapu !

³ E gugulu le leo o le Eteleno i aluga o atu vai. E fakagugulu e le Atua o le kololia le mana. E nofo le Eteleno i aluga o atu vai lalasi.

⁴ E makeke le leo o le Eteleno. E mamalu le leo o le Eteleno.

⁵ E fatifatii e le leo o le Eteleno a sete. E fatifatii e le Eteleno a sete o Lipane ;

⁶ E fakasopo e ia latou ofaipe ni uviki pipi, Ti mo le Lipane mo le Silioni ofaipe ni pipi vao muli.

⁷ E fakamapusipusi e le leo o le Eteleno ni ulai afi.

⁸ E fakalulu e le leo o le Eteleno le toafa : E fakalulu e le Eteleno le toafa o Katesi.

⁹ E fakafanau e le leo o le Eteleno a tia. E maumaui e ia a vaomatua. I lona fale sau e kalaga nea fuli : Kololia !

¹⁰ Na eke le Eteleno i lona ekeekeaga fakasau i le aso o le lomaki. E pule le Eteleno i lona ekeekeaga fakasau o lee gato.

¹¹ E soli e le Eteleno le makeke ki lona kakai. E tapuaki le Eteleno ki lona kakai, ti e fakafiafia e ia a ia.