Pesalemo 150 - Tosi Tapu

Fakafetai taualuga kese ki le Atua

¹ Kotou fakafetai ki le Eteleno ! Kotou fakafetai ki le Atua i lona sagatualio ! Kotou fakafetai kiate ia i le lagi laulasi, leia e sa ai lona mafimafi !

² Kotou fakafetai kiate ia i ana gaoi lalasi ! Kotou fakafetai kiate ia o mulimuli ki le lasi o lona mafimafi !

³ Kotou fakafetai kiate ia i le leo o le fakatagi pupusi ! Kotou fakafetai kiate ia i le lute mo le alepe !

⁴ Kotou fakafetai kiate ia i le nafa mo ni mako ! Kotou fakafetai kiate ia i ni nea faimusika va mo le salumo !

⁵ Kotou fakafetai kiate ia i ni sapale tatagi ! Kotou fakafetai kiate ia i ni sapale leo lasi !

⁶ Ke fakafetai ki le Eteleno a nea fuli e tukumanava ! Kotou fakafetai ki le Eteleno !