Pesalemo 149 - Tosi Tapu

Fakafetai ki le Atua o uiga mo ana fakamaauaga

¹ Kotou fakafetai ki le Eteleno ! Kotou sua ki le Eteleno se katiko foou ! Kotou sua ona fakafetai i le fakatasiga o le kau agatonu !

² Ke fakafiafia Iselaele i leia na fakatupu ia a ia ! Ke fiafia a vosa o Sione, o tupu ko lolatou sau !

³ Ke lotou fakafetai ki lona suafa i ni mako, Ke lotou sua fakafetai kiate ia i le alepe mo le nafa !

⁴ Talie e fiafia le Eteleno i lona kakai, E tuku e ia le kololia ki le kau agamalu, o fakamauli latou.

⁵ Ke malo le kau agatonu i le kololia, Ke lotou fai ni kalaga fakafiafia i olatou moeaga !

⁶ Ke nofo i olatou gutu a fakafetai o le Atua, Ti mo le seleta mata lua i olatou lima,

⁷ O tupu ke fai le totogi ki atu puleaga, Ke tautea a atu kakai,

⁸ Ke sai olatou sau ki ni tini, Ti mo olatou kau lalasi ki ni ukamea,

⁹ Ke fai kia latou le tautea leia na tosi ! Ko se kololia a ia ki ana kau agatonu fuli. Kotou fakafetai ki le Eteleno !