Pesalemo 146 - Tosi Tapu

Fakafetai ki le Atua o uiga mo lana tokoi

¹ Kotou fakafetai ki le Eteleno ! Loku laumalie, fakafetai ki le Eteleno !

² E kau fakafetai loa ki le Eteleno i le lolotoga o loku mauli, E kau sua loa ki loku Atua i le temi katoa o loku mauli.

³ Aua na kotou fanaki ki le kau lalasi, Ki vosa o le tagata, ala e leaise mafai ke fakamauli ia.

⁴ E ano lalatou tukumanava, e lotou ulu ki le kele, Ti e pupuli noa alatou fakatuutuu i le aso fai lena.

⁵ Manuia le tagata leia e maua ia lona tokoi i le Atua o Sakopo, Leia e tuku ia lana amanaki malie ki le Eteleno, lona Atua !

⁶ Na fai e ia le lagi mo le kele, Le tai mo nea fuli e maua i ai. E taupau e ia lona agatonu o lee gato.

⁷ E faitotonu a ia kia latou ala na fakavelivelii. E soli e ia se pane kia latou ala e pakupaku. E saofaki e le Eteleno le kau popula.

⁸ E fakamavaa e le Eteleno a mata o le kau kivi. E fakatuu e le Eteleno latou ala e mapelu ki lalo. E alofa le Eteleno ki le kau maokioki.

⁹ E puipui e le Eteleno le kau matapule. E tokoi a ia ki le toe sala matua mo le fafine lokonui, Kae e maumaui e ia le ala o le kau agaveli.

¹⁰ E pule le Eteleno o lee gato. Ko lou Atua, ei Sione ! i tautupu ki tautupu ; Kotou fakafetai ki le Eteleno !