Pesalemo 142 - Tosi Tapu

Kole i le temi o le mamae

¹ Katiko a Tavite. I le temi leia na nofo ai i le ana. Kole.

² I loku leo e kau kalaga ki le Eteleno, I loku leo e kau tagi ki le Eteleno.

³ E kau liligi laku tagi i ona mua, E kau fakamatala loku mamae kiate ia.

⁴ Ka mamae loku laumalie i loku loto, Ko koe, e ke iloa loku ala. I le ala leia e kau saele ai Na lotou fai se masele kiate au.

⁵ Tagaki ou mata ki le fetuu atamai, o tio ! E leaise iloa au e se tasi, Kua puli a mumuniaga fuli kiate au, E leaise tokaga se tasi ki loku laumalie.

⁶ Eteleno ! ko koe leia e kau kalaga ki ai. E kau pati : Ko koe ko loku mumuniaga, Ko loku vaega i le kele o le kau mauuli.

⁷ Tokaga mai ki aku tagi ! Talie e kau mamae ai. Saofaki au ia latou ala e tuli ia au ! Talie e lotou makeke ake iate au.

⁸ Too loku laumalie i lona fale pilisoni, O tupu ke kau sua lou suafa ! E au loa le kau agatonu o takatakai au, Mo ka ke fai loa kiate au se nea malie.