Pesalemo 14 - Tosi Tapu

Ko le tagata agaveli

¹ Ki le pule o le kau sua. Pesalemo a Tavite. E pati le vale i lona loto : E leaise Atua ! Kua lotou veli, kua lotou fai ni gaoi fakalialia. E leaise fa toka tasi fua e fai ia le malie.

² E tio le Eteleno mei aluga o le lagi ki vosa o le tagata, Ke tio ki se tasi leia e atamai, Leia e afa ia le Atua.

³ Kua lotou sese fuli, kua lotou fakalialia fuli, E leaise fa toka tasi fua e fai ia le malie, E leaise fa toka tasi fua.

⁴ Pe kua puli olatou atamai, latou fuli ala e fai ia le veli ? E lotou kai loku kakai, e lotou too a ia ofaipe se nea kai ; E leaise lotou fetapa fua ki le Eteleno.

⁵ Koia e lotou lulu loa i le i lasi, Mo ka sa mai loa le Atua i loto malie o le lanu o tagata agatonu.

⁶ Koutou ala na nukinuki ki le amanaki malie a le kau agatonu, Ke kotou iloa ko le Eteleno ko lolatou mumuniaga.

⁷ Oi ! Ko ai ka aumai ia loa mei Sione le fakamauli ki Iselaele ? Io e toe aumai loa e le Eteleno le kau popula o lona kakai, E nofo loa Sakopo i le fiafia lasi, E fiafia loa Iselaele.