Pesalemo 129 - Tosi Tapu

Fakamaau o le kau fakaveliveli

¹ Katiko o le fanoga tapu. Kua lasi ai lalatou fakaveliveli kiate au talu mei loku ikiiki, - Ke pati Iselaele ! -

² Kua lasi ai lalatou fakaveliveli kiate au talu mei loku ikiiki, Kae na leaise lotou malo iate au.

³ Na kenu e ni kau gaoi kele loku tua, Na lotou kenu i ai ni popoko loloa.

⁴ E faitotonu le Eteleno : Na tuuti e ia a maea a le kau agaveli.

⁵ Ke lotou luma ti ke lotou solomuli, Latou fuli ala e vesia ki Sione !

⁶ Ke lotou faipe le mutie i le taufufu o le fale, Leia e malo i mua o lona futi !

⁷ E leaise fakaapele fua e le tagata tuuti lona lima ki ai, Ko leia e nonoa ia a fuiga mouku e leaise luluku fua a ia ki lona fatafata,

⁸ Ti e leaise pati fua latou ala e fakalaka : Ke nofo le tapuakina a le Eteleno ia koutou ! E motou tapuaki koutou i le suafa o le Eteleno !