Pesalemo 127 - Tosi Tapu

Ko le Atua toka tasi leia e tonu ke fakatuu ia le fale

¹ Katiko o le fanoga tapu. A Salomone. Kapau e leaise fau e le Eteleno le fale, Ko latou ala e fau ia a ia e gaoi noa ; Kapau e leaise leoleo e le Eteleno le kolo, Ko leia e leoleo ia a ia e alaala noa.

² E leaise uiga o lakotou alaala usu, ti mo lakotou moe tausala, Ti mo lakotou kai le pane o le mamae : E soli fakatatau e ia a ia ki ona alofaaga i le lolotoga o lalatou moe.

³ Ko leinei, ko ni vosa ko se tofiga mei le Eteleno, Ko le fua o le manava ko se fakapale.

⁴ Ofaipe ni gasau i le lima o se tagata tau, E fenaaki a vosa o le temi tupulaga.

⁵ Manuia le tagata leia na fakaapele ia lana taga gasau kia latou ! E leaise luma loa a ia, Mo ka masau loa ona vosa mo ni fili i le matapa.