Pesalemo 126 - Tosi Tapu

Kole ki le toe laga o Iselaele

¹ Katiko o fanoga tapu. I le toe aumai loa e le Eteleno le kau popula o Sione, Na motou faipe latou ala na fai ia se moe miti.

² Koia na apele ai lomatou gutu i ni kalaga fakafiafia, Ti mo lomatou alelo i ni sua fakanekenekea ; Koia na pati ai i atu puleaga : Kua fai e le Eteleno kia latou ni nea lalasi !

³ Kua fai e le Eteleno kia matou ni nea lalasi ; Koia kua motou nonofo ai i le fiafia.

⁴ Eteleno, toe aumai omatou kau popula, Ofaipe ni liua i le potu saute !

⁵ Ko latou ala e muluki ia le fakaili mo ni loimata E tuuti ia loa le fulumeto mo ni sua fakanekenekea.

⁶ Ko leia e saele tagi, mo ka amo e ia le pulapula, E toe liliu i le nekenekea, mo ka amo e ia ana fuiga fulumeto.