Pesalemo 124 - Tosi Tapu

E puipui mo saofaki e le Atua ana fanau

¹ Katiko o fanoga tapu. A Tavite. Sala mo le Eteleno ko ai na puipui ia loa matou, - Ke fakasa a ia e Iselaele ! -

² Sala mo le Eteleno ko ai na puipui ia loa matou, I le aso na tutuu ake ai a tagata o agatuu mai kia tatou,

³ Na lotou folo mauuli loa matou I le ulaula o lolatou itaita kia matou ;

⁴ Ti na ave loa matou e ni atu vai lalasi, Na fakalaka loa ni tafe makeke i lomatou laumalie ;

⁵ Ti na fakalaka loa ni galu itaita i lomatou laumalie.

⁶ Ke fakafetai ki le Eteleno, Leia na leaise tuku ia matou ke kai e olatou nifo !

⁷ Na sola lotatou laumalie ofaipe le manu lele i le kupega o le tagata faimasele ; Na motu le kupega, ti na motou sosola.

⁸ E maua lomatou tokoi i le suafa o le Eteleno, Leia na fai ia le lagi mo le kele.