Pesalemo 122 - Tosi Tapu

Fakapapau ki le tokamalie o Selusalemi

¹ Katiko o le fanoga tapu. A Tavite. E kau nofo i le fiafia mo ka pati mai kiate au : Tou ano ki le fale o le Eteleno !

² E tutuu omatou vae I ou matapa, Selusalemi !

³ Selusalemi, kua laga a koe Ofaipe se kolo leia e pipiki fakatasi ona koga fuli.

⁴ Ko lena le ganea e pale ki ai a faasiga, a faasiga a le Eteleno, O mulimuli ki le lao o Iselaele, O fakafetai ki le suafa o le Eteleno.

⁵ Talie e tuu i ai a ekeekeaga fakasau ki le faitotonu, A ekeekeaga fakasau o le fale o Tavite.

⁶ Kotou kole le tokamalie o Selusalemi. Ke fiafia i le malolo latou ala e alofa kiate koe !

⁷ Ke nofo le tokamalie i ou paa, Ti mo le fimalie i loto o ou fale sau !

⁸ O tupu ko oku fetaina mo oku kaukaunea, E kau oli ki le tokamalie i lou manava ;

⁹ O tupu ko le fale o le Eteleno, lotatou Atua, E kau fai ni fakaamu ki lou manuia.