Pesalemo 121 - Tosi Tapu

Ko le tokoi mo le puipui a le Atua

¹ Katiko o le fanoga tapu. E kau siki ake oku mata ki atu mauga… Pe au loa meifea le tokoi kiate au ?

² E au le tokoi mei le Eteleno, Leia na fakatupu ia le lagi mo le kele.

³ E leaise fakataga loa e ia ke seke lou vae ; Ko leia e leoleo ia a koe e leaise tulemoe loa.

⁴ Ko leinei, e leaise tulemoe pe moe mate leia e taupau ia Iselaele.

⁵ Ko le Eteleno ko ia leia e taupau ia a koe, Ko le Eteleno ko lou malu i lou lima atamai.

⁶ I le lolotoga o le ao e leaise taai loa a koe e le laa, Pe ko le masina i le lolotoga o le pouli.

⁷ E taupau loa a koe e le Eteleno i veli fuli, E taupau loa e ia lou laumalie ;

⁸ E taupau loa e le Eteleno lou mavae mo lau kaku, I le temi nei o lee gato.