Pesalemo 120 - Tosi Tapu

Mamae o le tagata popula i mamao

¹ Katiko o le fanoga tapu. I loku mamae, ko le Eteleno Leia kau tagi ki ai, ti na tali mai a ia kiate au.

² Eteleno, saofaki loku laumalie i laugutu loi, I le alelo kaka !

³ Kolea e soli atu kiate koe e se alelo kaka, Kolea e ke maua ia i se alelo kaka ?

⁴ Ko gasau matakakai a le tagata tau, Mo malala kaka o le sene.

⁵ Malaia kiate au mo ka kau nofo i Meseke, mo ka kau nofo i falela o Ketale !

⁶ Na fualoa ai le nofo o loku laumalie I tafa o latou ala e vesia ki le tokamalie.

⁷ E kau loto ki le tokamalie ; kae kapau e kau masau ki le tokamalie, E lotou loto ki le tau.