Pesalemo 12 - Tosi Tapu

Ko masau loi

¹ Ki le pule o le kau sua. I le alepe va valu. Pesalemo a Tavite.

² Eteleno, ke ke fakamauli ! talie kua pupuli latou e alofa ki le Atua, Kua lavaki a tagata agatonu i vosa o tagata.

³ E feloiaki ala ki la, E maua i laugutu ni masau fakalapulapu, E masau i se loto fia nealasi.

⁴ Ke fakapuli e le Eteleno a laugutu fakalapulapu fuli, Mo le alelo leia e masau matasoka,

⁵ Mo latou ala e pati : E motou makeke i omatou alelo, E motou popoto i le masau ; Ko ai e pule loa kia matou ?

⁶ Ko leinei e pati le Eteleno : e kau tuu ki aluga, O tupu ko le kau mativa leia e fakavelivelii, Mo le kau gaegae leia e fetagisi, Ti e kau aumai le fakamauli kia latou ala e tekei ki se tua lima.

⁷ Ko folafola a le Eteleno ko ni folafola mea, Ko se paaga kua asiasii i le kele i se kulo ukamea, Ti kua fakamea tua fitu.

⁸ Ko koe, Eteleno ! e ke taupau loa latou, E ke puipui loa latou i le lanu lena o lee gato.

⁹ E evaeva le kau agaveli i potu fuli, Mo ka pule le aga fakalialia i loto malie o vosa o le tagata.