Pesalemo 111 - Tosi Tapu

Ko le saosaoa o gaoi a le Atua

¹ Kotou fakafetai ki le Eteleno ! E kau fakafetai loa ki le Eteleno i loku loto katoa, I le fakatasiga a tagata agatonu, mo le fakatasiga a le kakai.

² E lalasi gaoi a le Eteleno, E afa latou e latou fuli ala e alofa ki ai.

³ E logologona mo fakakololia lana gaoi, Ti e tuu lou faitotonu o lee gato.

⁴ E loto a ia ke fakamanatu ana gaoi fakatalatupua. E manava alofa le Eteleno ti e apele a ia i le alofa.

⁵ Na soli e ia se nea kai kia latou ala e i kiate ia ; E manatui e ia lana sai o lee gato.

⁶ Na fakasa e ia ki lona kakai le makeke o ana gaoi, O soli kiate ia le tofiga o atu puleaga.

⁷ Ko gaoi o ona lima ko le agatonu mo le faitotonu ; E maoki ana fakatotonu fuli,

⁸ E lotou tuu makeke o kaku ki le lee gato, Na fai latou i le agatonu mo le maoki.

⁹ Na kakau mai e ia le fakamauli ki lona kakai, Na fakatuu e ia lana sai o lee gato : E maokioki mo fakaii lona suafa.

¹⁰ Ko le i ki le Eteleno ko le kamataaga o le poto : Ko latou fuli ala e tausi ia a ia e maua ia se fakakaukau malie. E tuu lona kololia o lee gato.