Pesalemo 101 - Tosi Tapu

Ko le loto o le sau ki le maokioki

¹ A Tavite. Pesalemo. E kau sua loa le agamalie mo le faitotonu ; Eteleno, e kau sua loa kiate koe.

² E kau tokaga loa ki le ala sako. Pe ke au loa afea kiate au ? E kau saele loa i le maoki o loku loto, I loto malie o loku fale.

³ E leaise kau tuku loa se nea veli i oku mua ; E kau vesia ki le mauli o le kau agasala ; E leaise pipiki mai loa a ia kiate au.

⁴ E mamao loa le loto veli iate au ; E leaise kau fia iloa le tagata agaveli.

⁵ Ko leia e lauveli fakafufu ki lona oloi, E kau tapono ia loa lona gutu. Ko leia e maua ia ni mata matasoka mo se loto fia nealasi, e leaise kau kataki loa kiate ia.

⁶ E tuku loa oku mata ki le kau agatonu o le fenua, O tupu ke lotou nonofo i oku tafa ; Ko leia e saele i se ala saosaoa e liliu loa ko laku tagata fakasausau.

⁷ Ko leia e mauli i le kaia e leaise nofo loa i loku fale ; Ko leia e fai ia ni loi e leaise tuu loa i oku mua.

⁸ I usu fuli e kau tapono loa a gutu o le kau agaveli fuli o le fenua, O tupu ke tamate i le kolo o le Eteleno Latou fuli ala e fai ia le veli.