Pesalemo 1 - Tosi Tapu

Ko tagata e lua, mo ala e lua, mo fakaoki e lua

¹ Manuia le tagata leia e leaise saele o mulimuli ki le tokoi a le kau agaveli, Leia e leaise tuu i le ala o le kau agasala, Ti e leaise tonatona fakatasi mo le kau gologolo,

² Kae e maua lona fiafia i le lao a le Eteleno, Ti e metitasio ki ai i le ao mo le pouli !

³ E tatau a ia mo se laakau na to i tafa se tafeaga vai, Leia e fua i lona temi, Ti e leaise gini lona lau : Ko nea fuli ala e fai e ia e manuia kiate ia.

⁴ E leaise fenaaki le kau agaveli : E lotou faipe le penu leia e viligia i le matagi.

⁵ Koia e leaise tutuu ai le kau agaveli i le aso o le fakamaau, Pe ko le kau agasala i le fakatasi a le kau agatonu ;

⁶ Talie e iloa e le Eteleno le ala o le kau agatonu, Ti ko le ala o le kau agasala e taki ia ki le malaia.