Oseo 3 - Tosi Tapu

Le alofa o le Atua ki Iselaele logo ai lana agasala

¹ Na pati mai loa le Eteleno kiate au : Toe ano, o alofa ki se fafine leia e alofa ki ai se tasi ake tagata, ti e tono tagata ki ai ; ke ke alofa kiate ia ofaipe le alofa o le Eteleno ki fanau o Iselaele, ala kua maliu ki ni atua kese ti kua manako ki kato fuai vite.

² Na kau totogi loa le fafine ki ni fa paaga e kau agafulu tupu lima, ti mo ni kilo olese e kau lelau fa.

³ Ti na kau pati loa kiate ia : nofo mo au o fualoa, aua na ke toe valevalea loa, ti aua na ke toe tono loa ki se tagata, ti e kau agatonu loa kiate koe.

⁴ Talie e nonofo loa a fanau o Iselaele o fualoa sala sau, mo sala pule, mo sala sakilifisio, mo sala fatu mauiga, mo sala efote, ti mo sala telafimi.

⁵ I le oki o le nea lena, e toe tafoki loa a fanau o Iselaele ; e lotou afa loa le Eteleno, lolatou Atua, ti mo Tavite, lolatou sau ; ti e lotou i loa i mua o le Eteleno mo lona agamalie i temi ki muli.