Numelo 7 - Tosi Tapu

Moliga a pule e kau agafulu tupu lua

¹ I le oki loa o le fakatuu o le falela tapu e Moisese, na fakatapui loa e ia a ia ki le lolo, mo ona nea gaoi fuli, ti mo le aletale mo ona nea gaoi fuli ; na liligi loa e ia ki aluga le lolo tapu ke fakatapui ai latou.

² Ti na fakafeofi ake loa a pule o Iselaele, pule o fale o olatou tamana, o momoli alatou moliga : ko pule latou o faasiga o Iselaele, latou ala na fai ia le tosi kaiga.

³ Na lotou ave loa lalatou moliga ki le Eteleno : ko saliote e ono ala kua teuteui ofaipe ni palepale, ti mo ni pipi tagata e kau agafulu tupu lua, ko le saliote e tasi ki pule e toka lua, ti ko le pipi tagata e tasi ki le pule e tasi ; ti na lotou ave loa latou ki mua o le tapenakulo.

⁴ Na masau loa le Eteleno kia Moisese, o pati :

⁵ Too a nea ana mei olatou lima, ke fakaaoga ki le tausi o le falela tapu ; e ke soli loa latou ki le kau Levi, ki le tagata taki toka tasi o mulimuli ki lana gaoi.

⁶ Na too loa e Moisese a saliote mo pipi, ti na tuku loa e ia latou ki le kau Levi.

⁷ Na soli loa e ia a saliote e lua mo pipi tagata e fa ki vosa o Kelesoni, o mulimuli ki alatou gaoi.

⁸ Na soli loa e ia a saliote e fa mo pipi tagata e fa ki vosa o Melali, o mulimuli ki alatou gaoi, ala na taki e Itamale, vosa o le tagata faisakilifisio ko Alone.

⁹ Kae na leaise soli loa e ia se nea ki vosa o Keati, talie, o mulimuli ki alatou gaoi, na tonu ke lotou amo a nea taputapu ki olatou tuauma.

Moliga ki le fakatapu o le aletale

¹⁰ Na ave loa e pule o famili lalatou moliga ki le ului o le aletale, i le aso leia na fakatapui ai le aletale ; na ave loa e pule lalatou moliga ki mua o le Eteleno.

¹¹ Na pati loa le Eteleno kia Moisese : E tonu loa ke fakaoloolo a pule i aso taki tasi, o momoli alatou moliga ki le fakatapu o le aletale.

¹² Ko leia na momoli ia loa lana moliga i le uluaki aso ko Nasoni, vosa o Aminatape, o le faasiga o Suta.

¹³ Ko lana moliga : ko se pa siliva e kau lelau kau tolu fa sikele, mo se ipu siliva e kau fitu fa sikele, o mulimuli ki le fa sikele o le sagatualio, ko nea ana na apele lualua i le falina mea leia kua lusi fakatasi mo le lolo, ki le moliga nea kai ;

¹⁴ mo se ipu aulo e kau agafulu fa sikele leia na apele i le kaloni fakamanogi ;

¹⁵ mo se pipi tagata muli, mo se ovi tagata, mo se akeno fetuu tasi, ki le failaulau ;

¹⁶ mo se koti tagata ki le sakilifisio fakamalie ;

¹⁷ mo pipi tagata e lua, mo ovi tagata e lima, mo koti tagata e lima, ti mo akeno fetuu taki tasi e lima, ki le sakilifisio fakafetai. Ko lena le moliga a Nasoni, vosa o Aminatape.

¹⁸ I le lua o aso, na ave loa e Netaneele, vosa o Sua, ko le pule o Isakale, lana moliga.

¹⁹ Na momoli loa e ia : se pa siliva e kau tolu fa sikele, mo se ipu siliva e kau fitu fa sikele, o mulimuli ki le fa sikele o le sagatualio, ko nea ana kua apele lualua i se falina mea kua lusi fakatasi mo le lolo, ki le moliga nea kai ;

²⁰ mo se ipu aulo e kau agafulu fa sikele kua apele i le kaloni fakamanogi ;

²¹ mo se pipi tagata muli, mo se ovi tagata, mo se akeno fetuu tasi, ki le failaulau ;

²² mo se koti tagata, ki le sakilifisio fakamalie ;

²³ mo pipi tagata e lua, mo ovi tagata e lima, mo koti tagata e lima, ti mo akeno fetuu taki tasi e lima, ki le sakilifisio fakafetai. Ko lena le moliga a Nataneeli, vosa o Sua.

²⁴ I le tolu o aso, na fai loa e Eliape, vosa o Elone, ko le pule o vosa o Sapulone, lana moliga.

²⁵ Na momoli loa e ia : se pa siliva e kau lelau kau tolu fa sikele, mo se ipu siliva e kau fitu fa sikele, o mulimuli ki le fa sikele o le sagatualio, ko nea ana kua apele lualua i le falina mea kua lusi fakatasi mo le lolo, ki le moliga nea kai ;

²⁶ mo se ipu aulo e kau aga fulu fa sikele kua apele i le kaloni fakamanogi ;

²⁷ mo se pipi tagata muli, mo se ovi tagata, mo se akeno fetuu tasi, ki le failaulau ;

²⁸ mo se koti tagata, ki le sakilifisio fakamalie ;

²⁹ mo pipi tagata e lua, mo ovi tagata e lima, mo koti tagata e lima, ti mo akeno fetuu taki tasi e lima, ki le sakilifisio fakafetai. Ko lena le moliga a Eliape, vosa o Elone.

³⁰ I le fa o aso, na fai loa e Elisule, vosa Seteule, ko le pule o vosa o Lupeni, lana moliga.

³¹ Na momoli loa e ia : se pa siliva e kau lelau kau tolu fa sikele, mo se ipu siliva e kau fitu fa sikele, o mulimuli ki le fa sikele o le sagatualio, ko nea ana kua apele lualua i le falina mea kua lusi fakatasi mo le lolo, ki le moliga nea kai ;

³² mo se ipu aulo e kau agafulu fa sikele kua apele i le kaloni fakamanogi ;

³³ mo se pipi tagata muli, mo se ovi tagata, mo se akeno fetuu tasi, ki le failaulau ;

³⁴ mo se koti tagata, ki le sakilifisio fakamalie ;

³⁵ mo pipi tagata e lua, mo ovi tagata e lima, mo koti tagata e lima, ti mo akeno fetuu taki tasi e lima, ki le sakilifisio fakafetai. Ko lena le moliga a Elisule, vosa o Seteule.

³⁶ I le lima o aso, na fai loa e Selumiele, vosa o Sulisatai, ko le pule o vosa o Simeone, lana moliga.

³⁷ Na momoli loa e ia : se pa siliva e kau lelau kau tolu fa sikele, mo se ipu siliva e kau fitu fa sikele, o mulimuli ki le fa sikele o le sagatualio, ko nea ana kua apele lualua i le falina mea kua lusi fakatasi mo le lolo, ki le moliga nea kai ;

³⁸ mo se ipu aulo e kau agafulu fa sikele kua apele i le kaloni fakamanogi ;

³⁹ mo se pipi tagata muli, mo se ovi tagata, mo se akeno fetuu tasi, ki le failaulau ;

⁴⁰ mo se koti tagata, ki le sakilifisio fakamalie ;

⁴¹ mo pipi tagata e lua, mo ovi tagata e lima, mo koti tagata e lima, ti mo akeno fetuu taki tasi e lima, ki le sakilifisio fakafetai. Ko lena le moliga a Selumiele, vosa o Sulisatai.

⁴² I le ono o aso, na fai loa e Eliasafe, vosa o Teueli, ko le pule o vosa o Kate, lana moliga.

⁴³ Na momoli loa e ia : se pa siliva e kau lelau kau tolu fa sikele, mo se ipu siliva e kau fitu fa sikele, o mulimuli ki le fa sikele o le sagatualio, ko nea ana kua apele lualua i le falina mea kua lusi fakatasi mo le lolo, ki le moliga nea kai ;

⁴⁴ mo se ipu aulo e kau agafulu fa sikele kua apele i le kaloni fakamanogi ;

⁴⁵ mo se pipi tagata muli, mo se ovi tagata, mo se akeno fetuu tasi, ki le failaulau ;

⁴⁶ mo se koti tagata, ki le sakilifisio fakamalie ;

⁴⁷ mo pipi tagata e lua, mo ovi tagata e lima, mo koti tagata e lima, ti mo akeno fetuu taki tasi e lima, ki le sakilifisio fakafetai. Ko lena le moliga a Eliasafe, vosa o Teueli

⁴⁸ I le fitu o aso, na fai loa e Elisama, vosa o Amiute, ko le pule o vosa o Efalaimi, lana moliga.

⁴⁹ Na momoli loa e ia : se pa siliva e kau lelau kau tolu fa sikele, mo se ipu siliva e kau fitu fa sikele, o mulimuli ki le fa sikele o le sagatualio, ko nea ana kua apele lualua i le falina mea kua lusi fakatasi mo le lolo, ki le moliga nea kai ;

⁵⁰ mo se ipu aulo e kau agafulu fa sikele, kua apele i le kaloni fakamanogi ;

⁵¹ mo se pipi tagata muli, mo se ovi tagata, mo se akeno fetuu tasi, ki le failaulau ;

⁵² mo se koti tagata, ki le sakilifisio fakamalie ;

⁵³ mo pipi tagata e lua, mo ovi tagata e lima, mo koti tagata e lima, ti mo akeno fetuu taki tasi e lima, ki le sakilifisio fakafetai. Ko lena le moliga a Elisama, vosa o Amiute.

⁵⁴ I le valu o aso, na fai loa e Kameliele, vosa o Petasu, ko le pule o vosa o Manase, lana moliga.

⁵⁵ Na momoli loa e ia : se pa siliva e kau lelau kau tolu fa sikele, mo se ipu siliva e kau fitu fa sikele, o mulimuli ki le fa sikele o le sagatualio, ko nea ana kua apele lualua i le falina mea leia kua lusi fakatasi mo le lolo, ki le moliga nea kai ;

⁵⁶ mo se ipu aulo e kau agafulu fa sikele leia kua apele i le kaloni fakamanogi ;

⁵⁷ mo se pipi tagata muli, mo se ovi tagata, mo se akeno fetuu tasi, ki le failaulau ;

⁵⁸ mo se koti tagata, ki le sakilifisio fakamalie ;

⁵⁹ mo pipi tagata e lua, mo ovi tagata e lima, mo koti tagata e lima, ti mo akeno fetuu taki tasi e lima, ki le sakilifisio fakafetai. Ko lena le moliga a Kameliele, vosa o Petasu.

⁶⁰ I le iva o aso, na fai loa e Apitane, vosa o Kiteoni, ko le pule o vosa o Pesamino, lana moliga.

⁶¹ Na momoli loa e ia : se pa siliva e kau lelau kau tolu fa sikele, mo se ipu siliva e kau fitu fa sikele, o mulimuli ki le fa sikele o le sagatualio, ko nea ana kua apele lualua i le falina mea leia kua lusi fakatasi mo le lolo, ki le moliga nea kai ;

⁶² mo se ipu aulo e kau agafulu fa sikele leia kua apele i le kaloni fakamanogi ;

⁶³ mo se pipi tagata muli, mo se ovi tagata, mo se akeno fetuu tasi, ki le failaulau ;

⁶⁴ mo se koti tagata, ki le sakilifisio fakamalie ;

⁶⁵ mo pipi tagata e lua, mo ovi tagata e lima, mo koti tagata e lima, ti mo akeno fetuu taki tasi e lima, ki le sakilifisio fakafetai. Ko lena le moliga a Apitane, vosa o Kiteoni.

⁶⁶ I le kau agafulu o aso, na fai loa e Aiesele, vosa o Amisatai, ko le pule o vosa o Tane, lana moliga.

⁶⁷ Na momoli loa e ia : se pa siliva e kau lelau kau tolu fa sikele, mo se ipu siliva e kau fitu fa sikele, o mulimuli ki le fa sikele o le sagatualio, ko nea ana kua apele lualua i le falina mea leia kua lusi fakatasi mo le lolo, ki le moliga nea kai ;

⁶⁸ mo se ipu aulo e kau agafulu fa sikele leia kua apele i le kaloni fakamanogi ;

⁶⁹ mo se pipi tagata muli, mo se ovi tagata, mo se akeno fetuu tasi, ki le failaulau ;

⁷⁰ mo se koti tagata, ki le sakilifisio fakamalie ;

⁷¹ mo pipi tagata e lua, mo ovi tagata e lima, mo koti tagata e lima, ti mo akeno fetuu taki tasi e lima, ki le sakilifisio fakafetai. Ko lena le moliga a Aisele, vosa o Amisatai.

⁷² I le kau agafulu tupu tasi o aso, na fai loa e Pakiele, vosa o Okalane, ko le pule o vosa o Asele, lana moliga.

⁷³ Na momoli loa e ia : se pa siliva e kau lelau kau tolu fa sikele, mo se ipu siliva e kau fitu fa sikele, o mulimuli ki le fa sikele o le sagatualio, ko nea ana kua apele lualua i le falina mea leia kua lusi fakatasi mo le lolo, ki le moliga nea kai ;

⁷⁴ mo se ipu aulo e kau agafulu fa sikele leia kua apele i le kaloni fakamanogi ;

⁷⁵ mo se pipi tagata muli, mo se ovi tagata, mo se akeno fetuu tasi, ki le failaulau ;

⁷⁶ mo se koti tagata, ki le sakilifisio fakamalie ;

⁷⁷ mo pipi tagata e lua, mo ovi tagata e lima, mo koti tagata e lima, ti mo akeno fetuu taki tasi e lima, ki le sakilifisio fakafetai. Ko lena le moliga a Pakiele, vosa o Okilane.

⁷⁸ I le kau agafulu tupu lua o aso, na fai loa e Aila, vosa o Enani, ko le pule o vosa o Nefetali, lana moliga.

⁷⁹ Na momoli loa e ia : se pa siliva e kau lelau kau tolu fa sikele, mo se ipu siliva e kau fitu fa sikele, o mulimuli ki le fa sikele o le sagatualio, ko nea ana kua apele lualua i le falina mea leia kua lusi fakatasi mo le lolo, ki le moliga nea kai ;

⁸⁰ mo se ipu aulo e kau agafulu fa sikele leia kua apele i le kaloni fakamanogi ;

⁸¹ mo se pipi tagata muli, mo se ovi tagata, mo se akeno fetuu tasi, ki le failaulau ;

⁸² mo se koti tagata, ki le sakilifisio fakamalie ;

⁸³ mo pipi tagata e lua, mo ovi tagata e lima, mo koti tagata e lima, ti mo akeno fetuu taki tasi e lima, ki le sakilifisio fakafetai. Ko lena le moliga a Aila, vosa o Enani.

⁸⁴ Ko na moliga o pule o Iselaele ki le ului o le aletale, i le aso leia na fakatapu ai a ia ki le lolo : ko pa siliva e kau agafulu tupu lua, mo ipu siliva e kau agafulu tupu lua, mo ipu aulo e kau agafulu tupu lua ;

⁸⁵ ko le pa siliva e tasi na kau lelau kau tolu fa sikele, ti ko le ipu siliva e tasi na kau fitu fa sikele, ti ko le ipu aulo e tasi na kau agafulu fa sikele. Na fakatasi ko kilo siliva e lua afe kau lelau fa (2 400) fa sikele, o mulimuli ki le fa sikele o le sagatualio ;

⁸⁶ ko le ipu aulo na kau agafulu fa sikele ; ti ko ipu aulo e kau lelau kau lua fa sikele ; na lotou apele fuli i le kaloni fakamanogi.

⁸⁷ Ko le lasi o manu ki le failaulau : ko pipi tagata e kau agafulu tupu lua, mo ovi tagata e kau agafulu tupu lua, mo akeno fetuu taki tasi e kau agafulu tupu lua, mo moliga ala na kau mo latou. Ti mo koti tagata e kau agafulu tupu lua, ki sakilifisio fakamalie.

⁸⁸ Ko le lasi o manu ki le sakilifisio fakafetai : ko pipi tagata e kau lua tupu fa, mo ovi tagata e kau ono, mo koti tagata e kau ono, mo akeno fetuu taki tasi e kau ono. Ko moliga fuli ana na fai ki le ului o le aletale i le oki o lona fakatapui ki le lolo.

⁸⁹ I le temi leia na ulu ai loa Moisese ki le falela tapu o masau mo le Eteleno, na logo loa Moisese ki le leo o le Eteleno : na ulu mai le leo lena mei le vasa o selupino, i aluga o le tapono o le aleka leia na tuku ai a fatu o le fakapapau. Ti na masau loa le Eteleno mo Moisese.