Numelo 33 - Tosi Tapu

Nofolaga o Iselaele i le toafa

¹ Ko nei a nofolaga o fanau a Iselaele ala na mavae mei Esipito i kau tau, i le takitaki a Moisese mo Alone.

² Na tosi loa e Moisese a ganea ala na lotou nonofo ai, o mulimuli ki le fakatotonu a le Eteleno. Ti ko nei olatou nofolaga, o mulimuli ki alatou fanoga.

³ Na lotou mavae loa i Lamisese i le uluaki masina, i le aso kau agafulu tupu lima o le masina lena. I le apogipogi o le Pasikate, na mavae loa fanau a Iselaele mo le lima kua siki i mua o le kau Esipito katoa.

⁴ Kae na tanu loa e le kau Esipito i le aso lena latou ala na tautea e le Eteleno ia latou, a uluaki fuli ; na fai foki e le Eteleno ni fakamaau ki atua o Esipito.

⁵ Na mavae loa fanau a Iselaele i Lamisese, ti na lotou nonofo loa i Sukoti.

⁶ Na lotou mavae loa i Sukoti, ti na lotou nonofo loa i Etami, leia e tuu i le potupotu o le toafa.

⁷ Na lotou mavae loa i Etami, o toe maliu loa ki Pi-Ailoti, leia e tuu i mua o Paale-Sefoni, ti na lotou nonofo loa i mua o Miketoli.

⁸ Na lotou mavae loa i mua o Pi-Ailoti, o fakalaka loa i loto malie o le tai ki le toafa ; na lotou saele loa i aso e tolu i le toafa o Etami, ti na lotou nonofo loa i Mala.

⁹ Na lotou mavae loa i Mala, ti na lotou kaku loa ki Elimi : Na tuu i Elimi ni matapuna vai e kau agafulu tupu lua mo ni palemie e kau fitu. Na lotou nonofo loa i le ganea lena.

¹⁰ Na lotou mavae loa i Elimi, ti na lotou nonofo loa i tafa o le tai Kula.

¹¹ Na lotou mavae loa i le tai Kula, ti na lotou nonofo loa i le toafa o Sini.

¹² Na lotou mavae loa i le toafa o Sini, ti na lotou nonofo loa i Tofeka.

¹³ Na lotou mavae loa i Tofeka, ti na lotou nonofo loa i Alusi.

¹⁴ Na lotou mavae loa i Alusi, ti na lotou nonofo loa i Lefitimi, leia na leaise maua ai loa e le kakai se vai ke inu.

¹⁵ Na lotou mavae loa i Lefitimi, ti na lotou nonofo loa i le toafa o Sinai.

¹⁶ Na lotou mavae loa i le toafa o Sinai, ti na lotou nonofo loa i Kipoloti-Ataava.

¹⁷ Na lotou mavae loa i Kipiloti-Ataava, ti na lotou nonofo loa i Aseloti.

¹⁸ Na lotou mavae loa i Aseloti, ti na lotou nonofo loa i Litima.

¹⁹ Na lotou mavae loa i Litima, ti na lotou nonofo loa i Limoni-Pelesi.

²⁰ Na lotou mavae loa i Limoni-Pelesi, ti na lotou nonofo loa i Lipina.

²¹ Na lotou mavae loa i Lipina, ti na lotou nonofo loa i Lisa.

²² Na lotou mavae loa i Lisa, ti na lotou nonofo loa i Keelata.

²³ Na lotou mavae loa i Keelata, ti na lotou nonofo loa i le mauga ko Safele.

²⁴ Na lotou mavae loa i le mauga ko Safele, ti na lotou nonofo loa i Alata.

²⁵ Na lotou mavae loa i Alata, ti na lotou nonofo loa i Makeloti.

²⁶ Na lotou mavae loa i Makeloti, ti na lotou nonofo loa i Taati.

²⁷ Na lotou mavae loa i Taati, ti na lotou nonofo loa i Tala.

²⁸ Na lotou mavae loa i Tala, ti na lotou nonofo loa i Mika.

²⁹ Na lotou mavae loa i Mika, ti na lotou nonofo loa i Asimona.

³⁰ Na lotou mavae loa i Asimona, ti na lotou nonofo loa i Moseloti.

³¹ Na lotou mavae loa i Moseloti, ti na lotou nonofo loa i Pene-Saakani.

³² Na lotou mavae loa i Pene-Saakani, ti na lotou nonofo loa i Ola-Kitikate.

³³ Na lotou mavae loa i Ola-Kitikate, ti na lotou nonofo loa i Sotipata.

³⁴ Na lotou mavae loa i Sotipata, ti na lotou nonofo loa i Apolona.

³⁵ Na lotou mavae loa i Apolona, ti na lotou nonofo loa i Esioni-Kepele.

³⁶ Na lotou mavae loa i Esioni-Kepele, ti na lotou nonofo loa i le toafa o Tesini : ko Katesi a ia.

³⁷ Na lotou mavae loa i Katesi, ti na lotou nonofo loa i le mauga ko Oli, i le taupotu o le fenua ko Etome.

³⁸ I le fakatotonu a le Eteleno, na pale loa le tagata faisakilifisio ko Alone ki le mauga o Oli, ti na mate loa a ia i ai, i le kau fa fetuu mei le mavae o fanau a Iselaele mei le fenua o Esipito, i le lima o masina, i le uluaki aso o le masina.

³⁹ Na fetuu kau lelau kau lua tupu tolu Alone i le aso leia na mate ai i le mauga o Oli.

⁴⁰ Ko le sau Kanaane ko Alate, leia na nofo i le saute o le fenua o Kanaane, na logo loa ki le kaku ake o fanau a Iselaele.

⁴¹ Na lotou mavae loa i le mauga o Oli, ti na lotou nonofo loa i Salimona.

⁴² Na lotou mavae loa i Salimona, ti na lotou nonofo loa i Punoni.

⁴³ Na lotou mavae loa i Punoni, ti na lotou nonofo loa i Opoti.

⁴⁴ Na lotou mavae loa i Opoti, ti na lotou nonofo loa i Ise-Apalimi, i le koiga o Moape.

⁴⁵ Na lotou mavae loa i Ise-Apalimi, ti na lotou nonofo loa i Tiponi-Kate.

⁴⁶ Na lotou mavae loa i Tiponi-Kate, ti na lotou nonofo loa i Alemone-Tipalataimi.

⁴⁷ Na lotou mavae loa i Alemone-Tipalataimi, ti na lotou nonofo loa i le mauga ko Apalimi, i mua o Nepo.

⁴⁸ Na lotou mavae loa i le mauga ko Apalimi, ti na lotou nonofo loa i le fenua o Moape, i tafa o le Solotane, i mua o Seliko.

⁴⁹ Na lotou fakatuu loa olatou falela i tafa o le Solotane, i le vasa o Pete-Sesimoti mo Apele-Sitime, i le fenua o Moape.

Lao ki le vae o le fenua

⁵⁰ Na masau loa le Eteleno kia Moisese i le fenua o Moape, i tafa o le Solotane, i mua o Seliko.

⁵¹ Na pati loa a ia : Masau ki vosa o Iselaele, ti ke pati loa kia latou : Ka kotou fakalaka loa i le Solotane, o ulu loa ki le fenua o Kanaane,

⁵² Ke kotou kapu loa i okoutou mua a kakai fuli o le fenua, ke kotou maumaui loa a fakatata fatu fuli mo fakatata ukamea fuli o olatou atua, ti ke kotou maumaui loa olatou ganea tapu fuli.

⁵³ Ke kotou too loa lolatou fenua, o kotou nofoi loa, talie kua kau soli atu a ia kia koutou, ko lokoutou fenua a ia.

⁵⁴ Ke kotou vae loa le fenua ki le toso, o mulimuli ki okoutou faasiga. E kotou soli loa se kele lasi ki le faasiga leia e api lona kakai, mo se kele ikiiki ki le faasiga leia e teiki lona kakai. E maua loa e le faasiga taki tasi le fenua leia e soli loa kiate ia e le toso : E tuku atu loa le tofiga lena kia koutou, o mulimuli ki faasiga o okoutou tamana.

⁵⁵ Kae kapau e leaise kotou kapu loa i okoutou mua a kakai fuli o le fenua, ti ko latou ala e kotou tuku loa ke mauli e fai loa pe ni vao sukisuki ki okoutou mata mo ni laakau talatala ki okoutou vakavaka. E lotou fakafiu ia loa koutou i le fenua lena ka kotou nonofo ai loa.

⁵⁶ Ti e soko loa e kau fai loa kia koutou le nea leia na kau fakapapau ke kau fai kia latou.