Neemia 10 - Tosi Tapu

¹ Ko nei latou ala na fakamaoki ia le tosi : Ko Neemia, le kovana, vosa o Akalia.

² Mo Setesiasi, mo Selasa, mo Asalia, mo Selemia,

³ Mo Pasule, mo Amalia, mo Malekisa,

⁴ Mo Atuse, mo Sepania, mo Maluke,

⁵ Mo Alime, mo Melemote, mo Apetiasi,

⁶ Mo Taniela, mo Kinetone, mo Paluke,

⁷ Mo Mesulame, mo Apisa, mo Misamine,

⁸ Mo Maasia, mo Pilekai, mo Semaesa, ko le kau tagata faisakilifisio latou.

⁹ Ko le kau Levi : Ko Sosue, vosa o Asania, Mo Pinui mei le famili o Enatate, mo Katemiele,

¹⁰ Mo olatou fetaina ko Sepania, mo Otisa, Mo Kelita, mo Pelasa, mo Anani,

¹¹ Mo Mikea, mo Leopi, mo Asapia,

¹² Mo Sakule, mo Selepia, mo Sepania,

¹³ Mo Otisa, mo Pani, mo Peninu.

¹⁴ Ko pule o le kakai : Ko Paleoke, mo Pasate Mo Moape, mo Elame, mo Satu, mo Pani,

¹⁵ Mo Puni, mo Asekate, mo Pepai,

¹⁶ Mo Atonisa, mo Pikevai, mo Atine,

¹⁷ Mo Atele, mo Esekiasi, mo Asule,

¹⁸ Mo Otisa, mo Asume, mo Petesai,

¹⁹ Mo Alife, mo Anatote, mo Nepai,

²⁰ Mo Makepiase, mo Mesulame, mo Esile,

²¹ Mo Mesesapeele, mo Satoke, mo Satua,

²² Mo Pelatia, mo Anane, mo Anasa,

²³ Mo Ose, mo Anania, mo Asupe,

²⁴ Mo Alosese, mo Pilesa, mo Sopeke,

²⁵ Mo Leume, mo Asapena, mo Maasesa,

²⁶ Mo Asisa, mo Anane, mo Anani,

²⁷ Mo Maluke, mo Alime, mo Paana.

²⁸ Ko le toega o le kakai, mo le kau tagata faisakilifisio, mo le kau Levi, mo le kau tuu matapa, mo le kau sua, le kau Netinia, mo latou fuli ala na mavae kese mei kakai matapule o tausi le lao a le Atua, mo alatou avaga, mo olatou vosa, mo olatou taineliki, latou fuli ala kua maua ia se iloa mo se poto,

²⁹ na lotou fakatasi loa ki olatou fetaina ala na mauiga ake ia latou. Na lotou fakapapau loa ke saele i le lao a le Atua, leia na tuku mai e Moisese, le tagata fakasausau a le Atua, ke lotou tausi mo fai a folafola fuli a le Eteleno, lomatou Aliki, mo ana fakatotonu, mo ana lao.

³⁰ Na motou fakapapau loa ke aua na soli loa omatou taineliki ki le kakai o le fenua, ti ke aua na motou too olatou taineliki ke avaga mo omatou vosa ;

³¹ ke aua na motou totogi se nea i le aso o le sapato mo aso lalasi mei le kakai o le fenua leia e aumai ia loa ke fakatau i le aso o le sapato, ni koloa mo ni nea kai ; ti ke fakamaamaa le fitu o fetuu, ke aua na fakamakeke se tasi ke ui lona maua.

Fakatuutuu ki le fai o le atolasio

³² Na motou fai foki ni fakatuutuu ke fakamaua matou i le fetuu fuli ke soli se fa piesi paaga ki le tausi o le fale o lomatou Atua,

³³ ki le pane tapu, mo le moliga o le aso taki tasi, mo le failaulau o le sapato, mo masina foou, mo aso lalasi, ki nea taputapu, mo sakilifisio fakamolemole o agasala a Iselaele, ti mo nea fuli ala e fai i le fale o lomatou Atua.

³⁴ Na motou fai loa le toso, e matou ala ko le kau tagata faisakilifisio mo le kau Levi ti mo le kakai, ki le fakaanoano o le fafie leia e tonu ke motou aumai i fetuu fuli ki le fale o lomatou Atua, o mulimuli ki fale o omatou tamana, ti mo ni lakaga kua fakatuutuu ki ai, o tupu ke tutu a ia i le aletale o le Eteleno, lomatou Atua, o mulimuli ki le nea leia kua tosi i le lao.

³⁵ Na motou fakatuutuu loa ke aumai i fetuu fuli ki le fale o le Eteleno a uluaki fua o omatou kele, ti mo uluaki fua o omatou laakau fua fuli ;

³⁶ ti ke aumai ki le fale o lomatou Atua, mo le kau tagata faisakilifisio leia e gaoi i le fale o lomatou Atua, omatou vosa uluaki ti mo uluaki manu o amatou kau manu, o mulimuli ki le nea leia e tuu i le lao, io, a uluaki manu o amatou kau pipi ti mo amatou kau ovi ;

³⁷ ke aumai ki le kau tagata faisakilifisio, ki kogafale o le fale o lomatou Atua, a uluaki fua o lamatou falina kua lusi ti mo amatou moliga o laakau fua fuli, mo le vino, mo le lolo ; ti ke soli le vaega kau agafulu o lomatou kele ki le kau Levi, ti e tonu ke lotou too le vaega lena i kele fuli ala kua motou gaoi.

³⁸ Ko le tagata faisakilifisio, vosa o Alone, e ano loa mo le kau Levi i le temi leia e lotou tae ai le vaega lena ; ti e too loa e le kau Levi le vaega kau agafulu lena o soli ki le fale o lomatou Atua, ki kogafale tanaki o koloa.

³⁹ Talie e aumai loa e fanau a Iselaele mo vosa o Levi ki kogafale tanaki o koloa a moliga fulumeto, mo moliga vino, mo moliga lolo, ki le ganea leia e tanaki ai a ipu o le sagatualio, ti e nonofo ai le kau tagata faisakilifisio leia e fai ia le tausi, mo le kau tuu matapa, mo le kau sua. Ko lamatou fakapapau a ia ke aua na tiaki le fale o lomatou Atua.