Mikea 5 - Tosi Tapu

Kikite ki le tupu o le Mesia

¹ Ti ko koe, Peteleemi Efalata, Leia e ikiiki i le tino afe o Suta, Iate koe e au loa kiate au, Leia e pule loa i Iselaele, Leia e pale ana gaoi o kaku ki temi afea, Ki aso o le lee gato.

² Koia leia e tuku ai loa e ia lona kakai O kaku ki le temi leia e fanau ai loa leia e tonu ke liliu o tinana, Ti ko le toega o ona fetaina E toe liliu mai loa ki fanau o Iselaele.

³ E sa loa a ia, ti e pule loa a ia i le makeke o le Eteleno, Mo le mamalu o le suafa o le Eteleno, lona Atua : Ti e lotou maua loa se nofoaga totonu, Talie e fakakololia loa a ia o kaku ki potupotu o le malama nei.

⁴ Ko ia leia e aumai ia loa le tokamalie. Ka au loa le tagata Asilia ki lotatou fenua, Ti ka ulu loa a ia ki otatou fale sau, E tou lagai loa kiate ia ni tagata tausi manu e toka fitu, Ti mo ni pule o le kakai e toka valu.

⁵ E lotou fai loa ki alatou seleta lalatou nea kai ki le fenua o Asilia, Ti mo le fenua o Nimelote i loto o ona matapa. E saofaki loa e ia tatou i le tagata Asilia i ai, Mo ka au loa a ia ki lotatou fenua, Ti mo ka ulu loa a ia ki lotatou kele.

⁶ E nofo loa le toega o Sakopo i loto malie o ni kakai toka api Ofaipe se sasau leia e au mei le Eteleno, Ofaipe ni motii vai i le mutie : E leaise lotou fanaki ki le tagata, E leaise lotou fakalogo ki fanau a tagata.

⁷ E nofo loa le toega o Sakopo i lotolotoga o atu puleaga, I loto malie o ni kakai toka api, Ofaipe se laione i lotolotoga o manu o le vaomatua, Ofaipe se uviki laione i lotolotoga o kau ovi : Ka fakalaka a ia, e takatakafi e ia ti e sae e ia, Ti e leaise saofaki e se tasi.

⁸ Ke siki lou lima kia latou ala e fakafesagai kiate koe, Ti ke mamate ou fili fuli !

⁹ I le aso lena, e pati le Eteleno, E kau tamate loa i loto malie o ou au osi, Ti e kau maumaui loa au saliote tau ;

¹⁰ E kau motusi loa a kolo o lou fenua, Ti e kau soloi loa ou kolo tau fuli ;

¹¹ E kau motusi loa i lou lima a nea fakatemonio, Ti e leaise ke toe maua loa se tagata fai nea fakatemonio ;

¹² E kau motusi loa i loto malie o ou ou taulaatua mo ou fakatata, Ti e leaise ke toe tulolo loa i mua o le nea leia na fau e ou lima ;

¹³ E kau motusi loa i loto malie o ou au taulaatua o Asetalate, Ti e kau maumaui loa ou kolo.

¹⁴ E kau fai loa laku tautea i le ita, mo le fakainaina ki puleaga Ala na leaise fakalogo.