Malakia 4 - Tosi Tapu

Toe liliu mai o Kilisito

¹ Talie ko leinei, e au le aso, Kaka ofaipe se gutuumu. Ko le kau fia nea lasi fuli mo le kau agaveli fuli e fai loa pe le penu ; E tutu loa latou e le aso leia e au, E pati le Eteleno o kau tau. E leaise toe loa ia latou se aka pe ko se taulu.

² Kae kia koutou ala e i ki loku suafa, e sopo loa Le laa o le faitotonu, Ti e nofo loa le mauli i lalo o ona kapakau. E kotou mavae loa, ti e kotou soposopo loa ofaipe ni uviki pipi o se fale manu,

³ Ti e kotou takatakafi loa le kau agaveli, Talie e lotou fai loa pe se mugalafu I lalo o okoutou taga vae, I le aso leia e kau teuteui, E pati le Eteleno o kau tau.

⁴ Ke kotou manatui le lao a Moisese, laku tagata fakasausau, Leia na kau tuku kiate ia i Olepe, Ke ako ki Iselaele katoa, Kotou tausi a pelesepeto mo fakatotonu.

⁵ Ko leinei, e kau kakau loa kia koutou Elia, le polofeta, I mua o le soko mai o le aso o le Eteleno, Le aso lasi mo fakaii lena.

⁶ E toe aumai loa e ia le loto o tamana ki alatou fanau, Ti mo le loto o fanau ki olatou tamana, Ti ke aua na kau au o taai le fenua ki le malaia.