Esetalasi 10 - Tosi Tapu

Kapu o fafine matapule

¹ I le lolotoga fai e Esetalasi lana kole, o tagi mo tulolo i mua o le fale o le Atua, na fakatasi ake loa kiate ia se kakai toka api o le kau Iselaele, tagata, mo fafine, mo toe, ti na tagi mamae ai le kakai.

² Ti na masau loa Sekania, vosa o Seiele, mei le sakoga o Elame, o pati kia Esetalasi : Kua motou agasala ki lomatou Atua, o tupu ko lamatou avaga mo ni fafine matapule, ala e kau ki le kakai o le fenua. Kae e leaise sala amanaki malie Iselaele i le nea lena.

³ Ke tou fai i le aso nei se sai mo lotatou Atua ke kakau a fafine pagani fuli mo alatou fanau, o mulimuli ki le manatu a loku aliki mo latou fuli ala e lulu i mua o folafola a lotatou Atua. Ti ke fai o mulimuli ki le lao.

⁴ Tuu ki aluga, talie e fakalogo le nea leinei kiate koe totonu. E motou kau loa mo koe. Ke ke loto makeke, ti ke gaoi.

⁵ Na tuu ake loa Esetalasi ki aluga, o pati ki pule o le kau faisakilifisio, mo le kau Levi, ti mo Iselaele katoa, ke lotou fakapapau e lotou fai loa le nea leia kua pati ki ai Sekania. Ti na lotou fakapapau fuli loa.

⁶ Ti na mavae loa Esetalasi mei mua o le fale o le Atua, ti na ano loa a ia ki le fale o Sokanane, vosa o Eliasipe. I lana ulu ki ai, na leaise kai loa e ia se pane pe inu loa e ia se vai, talie na mamae a ia, o tupu ko le agasala o vosa ala na toe liliu mei le popula.

⁷ Ti na fakasa loa i Suta mo Selusalemi e tonu ke fakatasi ki Selusalemi le kakai katoa leia na toe liliu mai mei le popula,

⁸ ti na fai loa o mulimuli ki le tonu a le kau pule mo le kau matua : kapau e leaise kaku loa se tasi ki Selusalemi i le oki o aso e tolu, e tonu loa ke too ona koloa fuli, ti e kapu loa a ia totonu mei le fakatasiga o le kakai o Iselaele.

⁹ Na fakatasi loa a tagata fuli o Suta mo Pesamino ki Selusalemi i aso ana e tolu. Ko le aso kau lua lena o le masina iva. Na tutuu loa le kakai katoa o lulu i le malae o le fale o le Atua, o tupu ko nea ala kua soko ti mo le ua.

¹⁰ Ti na tuu ake loa Esetalasi, le tagata faisakilifisio, o pati kia latou : Kua kotou agasala i lakoutou avaga mo ni fafine matapule, ti kua kotou fakalasi ai le agasala a Iselaele.

¹¹ Kotou kofesio i le aso nei lakoutou agasala ki le Eteleno, le Atua o okoutou tamana, ti kotou fai lona finegalo ! Kotou mavae mei le kakai o le fenua ti mo fafine matapule.

¹² Ti na tali loa le fakatasiga katoa o leo lasi : A matou le fai pe le nea leia kua ke pati ki ai !

¹³ Kae e api ai le kakai, ti e ua le aso, ti e leaise mafai le nofo i fafo ; ti e leaise ko se gaoi ke mafai i se aso e tasi pe ko ni aso e lua, talie e toka api ai latou ala o matou kua agasala i le potu lena.

¹⁴ Koia e tonu ke nonofo omatou pule o fakalogo ki le fakatasiga katoa ; ti ko latou fuli i omatou kolo, ala na avaga mo ni fafine pagani, ke au loa i ni temi ala kua fakatuutuu ki ai mo le kau matua ti mo le kau tui fakamaau o olatou kolo, o kaku ki le maliu kese o le sausau o lotatou Atua meia tatou i le nea lena.

¹⁵ Na gato loa kia Sonatane, vosa o Asaele, mo Sakesia, vosa o Tikeva, na fakafesagai ki le tonu lena ; ti na tokoi kia laua Mesulame mo Sapetai, le Levi.

¹⁶ Kae na fai loa ki ai a vosa o le popula. Na filifili loa a Esetalasi, le tagata faisakilifisio, mo ni pule famili o fakatatau ki fale o olotou tamana, ti na filifili latou i olatou igoa. Na lotou nofo loa i le uluaki aso o le masina kau agafulu o fakamaaui le nea lena.

¹⁷ I le uluaki aso o le uluaki masina, na fakaoki ai loa lalatou gaoi ki tagata fuli ala na avaga mo ni fafine matapule.

¹⁸ I le kau tagata faisakilifisio, na i ai loa ni iki ala na avaga mo ni fafine pagani : ko ni vosa o Sosue, vosa o Sotesatake, ti mo ona fetaina, Maasesa, mo Eliesele, mo Salipe, ti mo Ketalia,

¹⁹ ala na fakapapau loa, o siki olatou lima, ke lotou kakau alatou avaga ti ke lotou momoli se ovi tagata ki lalatou agasala.

²⁰ I vosa o Imele : ko Anani mo Sepatesa ;

²¹ I vosa o Alime ko Maasesa, mo Elia, mo Semaesa, mo Seiele, ti mo Osiasi ;

²² I vosa o Pasule, ko Elioenai, mo Maasesa, mo Isemaele, mo Netaneele, mo Sosapate, ti mo Eleasa.

²³ I le kau Levi : ko Sosapate, mo Simei, mo Kelasa leia ko Kelita, mo Petasia, mo Suta, ti mo Eliesele.

²⁴ I le kau sua : ko Eliasipe. I le kau tuu matapa : ko Salume, mo Teleme, ti mo Uli.

²⁵ I le kakai o Iselaele : i vosa o Paleoke : ko Lamia, mo Sisia, mo Malekisa, mo Misamine, mo Eleasale, mo Malekisa, ti mo Penasa ;

²⁶ I vosa o Elame : ko Matania, mo Sakalia, mo Seiele, mo Apeti, mo Selemote, ti mo Elia ;

²⁷ I vosa o Satu : ko Elioenai, mo Eliasipe, mo Matania, mo Selemote, mo Sapate, ti mo Asisa ;

²⁸ I vosa o Pepai : ko Sokanane, mo Anania, mo Sapai, ti mo Atelai ;

²⁹ I vosa o Pani : ko Mesulame, mo Maluke, mo Atasa, mo Sasupe, mo Seale, ti mo Lamoti ;

³⁰ I vosa o Pakate-Moape : ko Atena, mo Kelale, mo Penasa, mo Maasesa, mo Matania, mo Petesaleele, mo Pinui, ti mo Manase ;

³¹ I vosa o Alime : ko Eliesele, mo Sisia, mo Malekisa, mo Semaesa, mo Simeone,

³² Mo Pesamino, mo Maluke, ti mo Semalia ;

³³ I vosa o Asume : ko Matenai, mo Matata, mo Sapate, mo Elifeleti, mo Selemai, mo Manase, ti mo Simei ;

³⁴ I vosa o Pani : ko Maatai, mo Amilame, mo Uele,

³⁵ Mo Penasa, mo Petia, mo Keluu,

³⁶ Mo Vania, mo Melemote, mo Eliasipe,

³⁷ Mo Matania, mo Matenai, mo Saasai,

³⁸ Mo Pani, mo Pinui, mo Simei,

³⁹ Mo Selemia, mo Natane, mo Atasa,

⁴⁰ Mo Makenatepai, mo Sasai, mo Salai,

⁴¹ Mo Asaleele, mo Selemia, mo Semalia,

⁴² Mo Salume, mo Amalia, ti mo Sosefo ;

⁴³ I vosa o Nepo : ko Seiele, mo Matitia, mo Sapate, mo Sepina, mo Satai, mo Soele, ti mo Penasa.

⁴⁴ Na avaga latou fuli ana mo ni fafine pagani, ti na maua e le toka api ia latou ni olatou fanau